يمكن تسوق الحرمه السياره = وتقنص على الفكسار والنيساني
وتزاحم اهل القنـص والصقـاره= ولا عاد نلقـى عقبهـا ضبانـي!
لاصار ماله غيـرةٍ فـي عـاره= وتهاون المسلم مـع النصرانـي
ولاصار مثل اللي يحمل اسفـاره = الـلـي ذكــره الله فالقـرانـي
لاتقرب الحرمـه حـدود الطـاره = تكفـون ياربعـي ويـا حبـانـي
خطرٍ على الشارع تطيح اشجـاره = وخطرٍ على اللوحات والعمدانـي
ولاصحصح الرجـال طـق زراره = ودوّر على اللي لونهـا رمانـي
ثم يبطي الماخوذ فـي مشـواره = ولا ياخذ الحرمـه ولا الورعانـي
ولاشافت الشرطي وضاقت (ساره) = واليا اشتكت لـه شغـل الونانـي
يسـري عليـه الليـل فالنظـاره = تلاقـط عيونـه ورى القضبانـي
قولو لابن زلفـه يعـن مهـاره = ويحسن نباه ويلعـن الشيطانـي
وقولو لبن زلفـه يعيـد انظـاره = ماله ومـال سواقـة النسوانـي
وقولو لبـن زلفـه يحـط اوزاره = ان كان يبغـى جنـة الرحمانـي
وقولو لبن زلفه يشيـل اعـذاره = متوزم بـاعـذاره وغلطـانـي
يحـدد الاعمـار لاجـل اقـراره = دين ياخذ لـه مسـارٍ ثانـي
الـذل فـالٍ لـه وفـال انصـاره = الذل قالـوا ديـدن العلمانـي
ننشد عن الفتوى شيوخ الحـاره = ننشد الفتوى مـن الكورانـي