قرّبوا لي دفتري جت يالعوّيل=جزلةٍ من جيز جزلاتٍ تنادي
القوافي في فضا فكري تميّل=يالله اني طالبك عطني مرادي
مطمعي ما هوب في الغاز المسيّل=لا و لا همّي هلالي و إتحادي
جيت ألبّي دعوةٍ لأهل السليّل=ربعي اللي تنثني وقت الطّرادي
حبّهم في ضامري ما هو قليّل=هم بني زايد إلا إشتب الزّنادي
يوم ابن فرحان ما قال الحليّل=مكرم الضيفان في ليل الهجادي
عودٍ أزرق عقب فنجالٍ مهيّل=و الشحم تلقاه بصحون و بوادي
الدواسر عزوتي فوق التخيّل=أشهد إنهم كيف راسي و القنادي
مسّسين المجد ما جاهم تحيّل=بالصخا و الجود و سيوف الهنادي
من حربهم ينكتب حظّه منيّل=و إن وزاهم مجرمٍ حطّ الوسادي
و ان عطوا يعطون وزنٍ ما يكيّل=واسمينٍ للعصا سلم إنفرادي
إسمهم ثلث الجزيره به مذيّل=ما ذِكِر غير الدواسر فيه وادي

يامخال الموهبه خيل وسيل = سيل يغطي جبلها والحمادي
يوم عبدالله بجزل القاف خيل = وهل قيفان جزيلات جدادي
مرحبا بأسمي وبأسم اهل السليل = وبأسم فرحان ولد عمي سنادي
مرحبا ياضيفنا نوخ وقيل = شوفتك يوم من ايام العيادي
يابعد من فكره ضعيف هزيل = ضايع راية وعاده في تمادي
سلها ياشوق من كنها الغزيل = وعينها عين اشقر وقت الهدادي
واترك اللي غله بصدره مغيل = وراية البيضا لك بروس المبادي
يابن من يردون لاهاب الذليل = لاد تغلب خازمة خشم العنادي
درعنا لامن زما العايل وعيل = يرهبون الضد بسيوف حدادي
زايد وتغلب فنا الظان المحيل= من حربهم ماينادي له منادي
يضهده دوسر ويبطي في توويل = من قساوة ضرب خطلان الايادي
وهم غناة وهم ذرى راعي الرحيل = لا جلا من وفقر والا من الأعادي
حمله يجي لا ثقيل ولا ثقيل = تصبح حموله مثل ريش الجرادي

الشاعر عبدالله بن مرضي الودعاني

وانا بسمي شخصيا ونيابه عن اهلي اهل السليل نشكر شاعرنا وشاعر الوداعين كافه عبدالله بن مرضي الودعاني

ونقول له يابو طلال بيض الله وجهك ورايتك البيضاء
وعبدالله الحقباني يستاهل ويستاهل اللي هو منهم وعبدالله اخونا ونشكره على ما قال والله يخلينا لبعض اخوان وعلى الحق اعوان واشكر اداره هذا المنتدى على ان جعلت بيننا همزه واصل لتبادل المشاعر والشعر مع من نحبهم ويحبوننا

وتقبل تحيات ابو فهد وسامحونا على التقصير

زايد وتغلب فنا الضان المحيـل=من حربهم ماينادي لـه منـادي
يضهده دوسر ويبطي في توويل=من قساوة ضرب خطلان الايـادي
وهم غناة وهم ذرى راعي الرحيل=لا جلا من وفقر والا من الأعادي

المشاركة الأصلية كتبت بواسطة الامبراطـــور (المشاركة 249638) لاهنت يالفرحان بالنقل المميز

المشاركة الأصلية كتبت بواسطة نايف الخييلي (المشاركة 249646) فـــرحان بن فهد اشكرك جزيل الشكر على إيرادك هذه المساجله الرائعه وبيض الله وجـــهك فعلاً إختيارك طيب وصح لسان كلً من عبدالله الحقباني وعبدالله الودعاني تقبل تقديري زايد وتغلب فنا الضان المحيـل=من حربهم ماينادي لـه منـادي يضهده دوسر ويبطي في توويل=من قساوة ضرب خطلان الايـادي وهم غناة وهم ذرى راعي الرحيل=لا جلا من وفقر والا من الأعادي

المشاركة الأصلية كتبت بواسطة هايف العماني (المشاركة 249655) بيض الله وجهك يابوفهد على نقل القصيده وصح الله لسان الشاعران القديران عبدالله الصليبي الحقباني والشاعر عبدالله بن مرضي الودعاني والله يديم التواصل والمحبه بين ابناء العمومه وتستاهلون كل خير ياهل السليّل فانتم اهل الطيب من قديم الزمن. تقبل تحياتي،،

المشاركة الأصلية كتبت بواسطة ريميه (المشاركة 249662) فرحان فهد ال فرحان .......جزاك الله خير ........ وتسلم على نقل على هذا المساجله الشعريه وصح اللسان الشاعرين ........عبدالله الحقباني وعبدالله بن مرضي الودعاني وتقبل مروري

المشاركة الأصلية كتبت بواسطة أبـوشـبيـب @ (المشاركة 249664) بيض الله وجهك أنت وأبومرضي.. زايد وتغلب فنا الظـان المحيـل من حربهم ماينادي لـه منـادي يضهده دوسر ويبطي في توويـل من قساوة ضرب خطلان الايادي تحياتي ..