قصة واقعية تتحدث عن الذئاب البشرية من جنس آدم .. فليس هناك ما هو أبشع من انتهاك شرف فتاة...

قالت احكي قصتـي علِّـي أنـام

يوم كانت غايتـي بـس حاجتيـن

إني اعشق و أوصل لحـد الهيـام

وأقهر عيون الصبايـا الحاسديـن

كنت أشوف الناس في عيني سلام

واجهل المعنى لكلمـة مجرميـن

لين شفته و ابتدى لحـن الغـرام

وارتميت بوادي العشـق الحزيـن

ياحبيبـي ياوفـا كــل الأنــام

يا مَثَـل كـل الرجـال الطيبيـن

حبـك بصـدري تقلدتـه وسـام

ولو بغوا بعـدك تراهـم عاذليـن

بينـي وبينـك مـودّه وانسجـام

لو يلين الصخـر لا يمكـن تليـن

مادريت إن العشق ابـن الحـرام

لا وصل حد الشـرف للعاشقيـن

مادريت إن الضِّيـا غيـر الظـلام

والكفر موجـود بيـن المسلميـن

قـال لـي يالله تعالـي ياحمـام

مُنْيتي نمشي سوى لـو خطوتيـن

قلت له أرجـوك يكفينـا الكـلام

قال لي منـي عساكـي تفزعيـن

قلت له لا والـذي سـاق الغمـام

ما بهالدنيـا تـرى بعـدك أميـن

ومن هنا كان اللقـى والانهـزام

يومه اتجرأ لمس لـي إصبعيـن

مرالشهر بعد الشهر وازداد عـام

وجرب يلامس ضلوعـي مرتيـن

واصبح احساسي ضرير ولا يـلام

وصارت ضلوعي لضلوعه تستكين



تمكـن الكافـر وخلانـي وهـام

وما بقى فينـي ولا شـيٍّ ثميـن

أهديت له جسمي وروحي والوئام

ورد لي كـل الهدايـه بجملتيـن

اسكتي ماعاد لـك عنـدي مقـام

ويا أنا أرحـل أو انتـي ترحليـن

خذاني بلحمـي وبعثرنـي عظـام

مارحم زهـرة شبابـي والأنيـن

باعني مثل الحـذاء وانتـم كـرام

كالزواج اللي وعدني من سنيـن

وصرت أدور في الشوارع والحَلام

وأتلفت عن يسـار وعـن يميـن

ياعساني ألمحـه وأبكـي مـادام

عندنا ربِّ علـى الظالـم يعيـن

ويالله احكي قصتـي علّـي أنـام

يوم صارت غايتي بـس حاجتيـن

الستر والديـن وأعيـش بسـلام

لكـن الله قـدر العيـش الحزيـن





إيه أبحكي وارمي أبياتـي سهـام

و ألعن الدنيا على الحـظ اللعيـن

مني ياحـوا خـذي نقطـة نظـام

أكثـر بنـي آدم تراهـم خاينيـن

أشبه بطفلٍ عـن الأحـلام صـام

وإذا فطر من شـره أنيابـه تبيـن

لا تخدعك نظره وغمزه وابتسـام

ولا يخدعك زين الكلام وتندميـن

واعرفي إن الشرف مثل الحسـام

بلوتـه لا ضـاع والله بلوتـيـن

لا تخلـي للعشـق أي اهتـمـام

واذكري الرحمـن لا زاد الحنيـن

وحده القادر على كشـف الغمـام

وحـده المنجـي إلـه العالميـن



اتمنى تكون القصيده اعجبتكم
منقووول

شيهانه على كف صقار