|
وينك يآأبو حاجووووونه إستلم الرد
السلام عليكم ورحمة الله وبركاته وبعد أعزائي منسوبي منتديات قبيلة الدواسر أسعد الله صباحكم بالخير والمسرات ،،،،، لقد خصني أخي أبو حاجووونه بقصيدة ونزلها هنا في المنتدى ولقد تقبلتها منه بصدر رحب واليوم أعطيه ردها وأتمنى بأن يتقبلها بصدر رحب أيضاً والحقيقه أبو حاجووونه عندي غالي والقلوب نظاف ومهما قلت أو قال فهي من نوع مداعبه لاأكثر ولاأقل أما قصيدة أبو حاجووونه فهي على الرابط التالي http://www.aldawasser.com/vb/showthread.php?t=2099 إليكم القصيدة مع اجمل التحايا القلبية
العود أبو حاجووونه أصبح صايبه بعض الجنان=من عقب ماغنَا بقافه قلت ربي يقلعه الضغط عنده مرتفع وأكيد ضاق إبه المكان=أعمت عيونه غيرته ولاتهيَا مطمعه إمن أولٍ يصهل بصوتٍ يشبه لصوت الحصان=واليوم صوته ضايعٍ في وسط سوق المعمعه لكن أنا عندي نصيحه دام وقت الصدق حان=أربِ منها ياكبير القوم تلقى المنفعه إعرف ليا منَك بغيت تدين لابدَك تدان=وإحذر من العاقل تجنَب سيرته خلَه دعه يقوله اللي ثابتٍ مثل الجبل صلبٍ مالان=ماهزَته كثر الدعاوي مع علوم الزوبعه مير إشرب الدلَه مادام الهيل وسطه زعفران=وإلأ سقيتك دلَةٍ بالمر واللي جاء معه مع تحيات دغش البطي |
لاهنت يابوبطي
من اول ماقريت عنوان العود قلت بيبارك لبو بطي اثرها غيره يادافع البلا وانا والله قلته من قبل العود قلبه اسود,,,,,, واحد يبي يشبها |
لاهنتوا جميعاً ....
الغالين/ دغش البطي وأبو حاجوووونة صوت وصدى ومداعبة جميلة بين شاعرين كبيرين
ومثل ماقال المثل يابو بطي " اللي مايتقاضى حي مايتقاضى ميت " عليك بالعووود . وتقبلوا أحترامي جميعاً. |
الله لايهينك وصح الله لسانك
والله يبيض وجهك انت وابو حاجوووونه على القصائد الجميله |
الشاعر المبدع دغش البطي بيض الله وجهك علي المداعبه الجميله بينك وبين الشاعر العود ابو حاجونه والله لايهينكم
|
صح الله لسانك يابوبطي ولاهنت يالقرم على الرد الطيب
تقبل تحياتي،، |
صح الله لسانك يالشاعر دغش البطي ولسان شاعر المنتدى الكبير ابو حاجووونه وانا اشهد ان الجزل مايجيب الا الجزل لاتبطون بجديدكم ،، |
الساعة الآن 06:56 AM
 |
Powered by vBulletin® Copyright ©2000 - 2025, Jelsoft Enterprises Ltd.
---