انواع الحب واهاته
 

http://ee77ee.com/vb/ee77ee/besmillah.gif

حبٍ يشيّب صاحبه مــا بَعَدْ شـــــاب ... وحبٍ يشيب وصاحبه في شبابــــــه
وحبٍ يغيب وصاحبه مــا بَعَدْ غــاب ... وحبٍ يدوم وصاحبه في غيابـــــــه
وحب يذوّب خافقٍ مـا بعـــــــد ذاب ... وحبٍ يداوي صاحبه من عذابــــــه
وحبٍ يتوّب خافقٍ مــا بَعَدْ تــــــــاب ... وحبٍ يزيدك رغبةٍ في الكتابــــــــه
وحبٍ حياته كلّها لــوم وِعْتـــــــــاب ... وحبٍ حقيقي ما يضرّك عتابـــــــــه
وحبٍ بلا معنى وحبٍ بــلا اسبـــاب ... يبدا غريب وينتهي في غرابـــــــــه
وحبٍ ضعيفٍ مثل حبرٍ على كْتــاب ... تمحيه دمعه في ثوانــــي كآبـــــــــه
وحبٍ قويٍ مثل قصرٍ لـــه ابــــواب ... لو هبّ عاتيْ الريح ما اهتـز بابــــه
وحبٍ بداية رحلته نظرة اعجـــــاب ... واخر مطافه مثــل يومٍ بــدا بــــــــه
وحبٍ يعيش بداخل قْلوب الاحبـــاب ... وحبٍ يشيع وكل حَـيٍ درى بـــــــه
وحبٍ مقامه في ضلوع الصَدِرطاب ... وحبٍ يعدّي مثل مــرّ السحـــابـــــه
وحبٍ على قبره نعق بوم وغْـــراب ... وحبٍ تغنّى بــه لحون الربابـــــــــه
وحبٍ بمقدارٍ وحبٍ بــــلا حْســـــاب ... وحبٍ بمعروفٍ وحبٍ نهابـــــــــــه
وحبٍ يعيش أهله وسط داره اغراب ... ويموت قهر ويندفن فــي ترابـــــــه
وحبٍ غدا سرّه سوالف للاجـــنــاب ... وحبٍ يموت وصاحبه ما حـكى بــه
وحبٍ يشيب وصاحبه ما بَعَدْ شــاب ... وحبٍ يشيب صاحبه فــي شبـابـــــه

منقووووووووول

رد: انواع الحب واهاته
 

الــــــــماســـــــــه

يعطيك العافيه على نقل القصيده الرائعه
تسلم يمناك ...وصح لسان الشاعر

مطنوخ

رد: انواع الحب واهاته
 

الله يكفينا شر هالمرض قصدي الحب

ولاهنتي يالماسه على نقل القصيده

رد: انواع الحب واهاته
 

مشكور يادوسرى مطنوخ ونايف الخييلي
على مروركم الطيب

رد: انواع الحب واهاته
 

لاهنتي على نقلك المميز واختيارك الرائع

رد: انواع الحب واهاته
 

سلمت يمناك على النقل المميز
وصح لسانك ولسان شاعرها

رد: انواع الحب واهاته
 

رد: انواع الحب واهاته
 

الاخ فيصل وبنت الاشراف وعبدالله بن قويد
يعطيكم العافيه ولاهنتوا على الردود

رد: انواع الحب واهاته
 

اه ميرما ذبحنا الا الحب
تسلم يمينك الماسه . . .

رد: انواع الحب واهاته
 

مشكور فتى الوادى على مرورك الطيب