الشاعر الفارس / شالح بن هدلان
 

السلام عليكم ورحمة الله وبركاته

أخذ الفارس شالح بن هدلان يوصي جماعته بأن يختاروا

( المناسب ) الطيبه ليأتيهم أولاد طيبون نجباء وقال لهم :

إن بنت الرديء تأتي بولد لايهمه أكثر من نفسه, وإن يشبع

بطنه , الرديء الهمة ميت الانفه تافه الشخصيه .

وهذه هي القصيده :




ذيب عوى وانا على صوتـه اجيــــــب **** ومن ونتي جضت ضواري سباعـه
عز الله إني جاهل ما اعلـم الغيـــب **** والغيب يعلـم بـه حفيـظ الوداعـه
يالله يـارزّاق عكـف المخالـــــيــــــب **** يامحصـي خلقـه ببحـره وقاعـه
تفرج لمن صابه جـروح معاطــيـــــب **** وقلبه مـن اللوعـات غـاد ولاعـه
إن ضاق صدري لذت فوق المصاليـب **** مانيب من يشمـت فعايـل ذراعـه
صار السبب مني على منقع الطيـب **** ونجمي طمن بالقاع عقـب ارتفاعـه
ياطـول ماهجيتهـن مـع لواهــيـــــب **** ولاني بداري كسرها مـن ضلاعـه
وياطول ما نوختها تصـرخ الــنـيـــــب **** وزن البيـوت اللـي كبـار رباعـه
واضوي عليهم كنهم لـي معازيــــب **** إليـا رمـى زيـن الوسايـد قناعـه
اضوي عليهم واتخطـى الاطاتيـــــب **** واخـذ مهاويـة الجمـل باندفاعـه
( أبا انذر اللي من ربوعي يبا الطيـب **** لاياخـذ إلا مـن بيـوت الشجاعـه
يجي ولدهـا مـذرب كنــــه الذيـــــب **** عـز لبـوه وكـل ماقـال طاعـه
وبنت الردى ياتي ولدها كما الهيــب **** غبنـن لبـوه وفاشلـه بالجمـاعـه
ياكبر زولـه عنـد بيـت المـــــعاييـــب **** متحـري متـى يـقـدم متـاعـه )





وتقبلوا

خالص

سلااااااااااامي

لاهنت يالمطنوخ وبيض الله وجهك
بذكرك هذا الشاعر اللذي يعد علم من اعلام الجزيره العربيه
تحياتي
ابن مشخص المساعره