|
قصيده في الدواسر واللقب(خطلان الايدي)
السلام عليكم ورحمة الله وبركاته.......
سلام الله فـي مبـدا كلامـي على جمعة رفيعيـن المقامـي ابمدح والثنا معنـي وواضـح وضوح النور جلاي الظلامـي أنا شاعر و لاني بأي شاعـر مقالي ما يجي كـود بمقامـي ومدحي في رجال ٍ مـا تخبـى جنوب وشرق والقبله وشامـي دواسر واللقب خطلان الايـدي يسفـون المنايـا كالحيـامـي ظنا زايد هل السيف المخضّـب وظنا تغلب بعيديـن المرامـي الامن جاهـم العايـل بقومـه يخلونه عشا وحـش العدامـي ولامن قال ابن مسعر عليهـم تحيزم كـل رجـل بالحزامـي يجون القوم والنخـوه بدوسـر و تصك الخيل في عج وعسامي وهذا يفلـك البنـدق وينخـى وهذا بالحدب قـص العظامـي يضدون العـدو حتـى يسّلـم بماله والكساير حـول عامـي وكل ٍ عارف ٍ قسمـه وكسبـه بلا شك وبلا ريـب وملامـي والا جينا كرمهم شوف عينـي يمـدون الكرامـه للكـرامـي دلال تــروح ودلال ٍ تـجـدد وترحاب ومحبـه وأهتمامـي والامن جاهم الجالـي تباشـر بفزعات ٍ تـروي كـل ظامـي يخلي قومـه ويسلـى معاهـم وميزتهم عن الشينه صيامـي وانا مطيري من مطير العريقه لهم صيت ٍ كما بـدر التمامـي ومنـي للدواسـر هالقصيـده ولهم مني غلايـه واحترامـي وصلى الله على محمد وسلـم شفيع الخلق في يوم الزحامـي وسلامتكم / وسامحونا على القصور |
رد: قصيده في الدواسر واللقب(خطلان الايدي)
دواسر واللقب خطلان الايـدي=يسفـون المنايـا كالحيـامـي ظنا زايد هل السيف المخضّـب=وظنا تغلب بعيديـن المرامـي الامن جاهـم العايـل بقومـه=يخلونه عشا وحـش العدامـي ولامن قال ابن مسعر عليهـم=تحيزم كـل رجـل بالحزامـي يجون القوم والنخـوه بدوسـر=و تصك الخيل في عج وعسامي وهذا يفلـك البنـدق وينخـى=وهذا بالحدب قـص العظامـي يضدون العـدو حتـى يسّلـم=بماله والكساير حـول عامـي وكل ٍ عارف ٍ قسمـه وكسبـه=بلا شك وبلا ريـب وملامـي والا جينا كرمهم شوف عينـي=يمـدون الكرامـه للكـرامـي دلال تــروح ودلال ٍ تـجـدد=وترحاب ومحبـه وأهتمامـي والامن جاهم الجالـي تباشـر=بفزعات ٍ تـروي كـل ظامـي يخلي قومـه ويسلـى معاهـم=وميزتهم عن الشينه صيامـي لاهنـــت يا داهــم على هالقصيده الطيبه وسلمت يمناك وصح لسان الشاعر المطيري وبيض الله وجهه ولاعلى قبيلته زود بس ليتك ذكــرت لنا اسمه !! تقبل سلامي |
رد: قصيده في الدواسر واللقب(خطلان الايدي)
ارحب ارحب يا ابوفهيد حيه وحي ماجاب صح لسان الشاعر وولا على المطران زود وتسلم يمناك يالقرم على النقل الرائع ولاتبخل علينا بجديدك خابرك تحفظ القصيد والردود يعني لاتبخل علينا فض نفسك شوي مطنوخ |
رد: قصيده في الدواسر واللقب(خطلان الايدي)
عااااااااااااااااااشو الدواسرررررر يستاهلون
ويسلم قائلها |
رد: قصيده في الدواسر واللقب(خطلان الايدي)
لاهنـــت أخي داهــم الخييلي على هالقصيده الطيبه وسلمت يمناك
وصح لسان الشاعر المطيري وبيض الله وجهه ولاعلى قبيلته زود تقبل تقديري واحترامي |
رد: قصيده في الدواسر واللقب(خطلان الايدي)
لاهنت بيو فهيد على القصيده
وصح لسان قايلها |
رد: قصيده في الدواسر واللقب(خطلان الايدي)
|
الساعة الآن 09:26 PM
 |
Powered by vBulletin® Copyright ©2000 - 2025, Jelsoft Enterprises Ltd.
---