إذا المراجل لبسـت شمـاغ وعقـال= قـل للعـذارى يلبـسـنّ العمـايـم
ما عاد يفـرق زول حرمـه ورجـال= دام الفعايـل تشبـه البعـض دايـم
المرجلـه مـا هيـب كلمـه وتنقـال= وتروح ما راحـت هبـوب النسايـم
والا خشونة صوت أو رفـع الأثقـال =أو رزة صـدور وفـعـل الـزلايـم
ولا هي بعد مفتـاح موتـر وجـوال= وإلا ردى لسانـن حديثـه شتـايـم
المرجله شيمه عـن القيـل والقـال= رفيع نفس (ن ) حـر بالجـو حايـم
المرجلـه عقـلٍ وزن وزنـه جبـال= ودون العقـل وش فرقنـا والبهايـم
يا مسندي لو مايل الوقت بـي مـال= يا ولـد أبويـه يـا عظيـم العزايـم
يا معرب الجدين مـن العـم والخـال= يا نخـوة المفـزوع وقـت الهزايـم
المرجله يا خوي هـي طولـة البـال =هي العـزم هـي الصبـر فالظلايـم
فيهـا الكـرم عـزه دلـه وفنجـال= فيها الكرامه عن ردى الطبـع شايـم
والدين لامنـه خـذا القلـب منـزال= مشى طريق الحـق وابليـس نايـم
ومن لا عرف ربه في طيـب الحـال= لابـد وقـت الضيـق بالهـم هايـم
حتى صلاتك مـع جماعـات ورجـال= في خيرها يـا خـوي نعـم الغنايـم
ولامن نصف ليلك قم صفـي البـال= يا عظم أجـرك بيـن ساجـد وقايـم
ولا من رفع ربي لـه كـل الأعمـال= حسن الذكـر لا قالـو فـلان صايـم
وخلك شريف القصد يا طيـب الفـال= سـوء المقاصـد فالبيـوت الهدايـم
واحذر تبيع النفس فـي دب الأنـذال= وتتبع خـوي إبليـس راع النمايـم
النفس خيـل لـك إذا كنـت خيّـال= ومن لا قوى نفسـه قوتـه الهزايـم
ولا صرت ما تدري لو يش أنت رجال= والله خسـارة فيـك ذبـح التمـايـم

المشاركة الأصلية كتبت بواسطة الزين (المشاركة 220951) صـــــــــــــــــــــــح لسان شاعرها وناقلهــــــــــــــــــــا بيض الله وجهك ياالمطنوخ المرجله شيمـه عـن القيـل والقـال =رفيع نفس (ن ) حـر بالجـو حايـم المرجلـه عقـلٍ وزن وزنـه جبـال =ودون العقـل وش فرقنـا والبهـايـم ولا صرت ما تدري لو يش أنت رجال =والله خسـارة فيـك ذبـح التمـايـم الزيـــــــــــــــن

المشاركة الأصلية كتبت بواسطة أبونواف الدوسري (المشاركة 220971) بيض الله وجهك يا الغالي دوسري مطنوخ وصح لسان قائلها. تقبل تقديري وأحترامي

المشاركة الأصلية كتبت بواسطة الامبراطـــور (المشاركة 220976) اخوي مطنوخ الطناخه ارحب ترحيبه مستواها فوق فوق فوق النجوووووووووووم وثم تنزل لنقلك الفائق والفاتن على حقول المستوطنين في تنسيق القصائد المتذوقه من اعماق وارساق الاعناق المثمره الاتي لها حنين المرجله وطنينه لك الشكر والاحترام اخوك الامبراطــــور

المشاركة الأصلية كتبت بواسطة ابومبارك الدوسري (المشاركة 220982) دوسري مطنوخ الله عليك ولاهنت على القصيده الروعه كاورعه ناقلها وتسلم يمينك وربي يعطيك العافيه وتقبل مروري ابومبارك

المشاركة الأصلية كتبت بواسطة دوسري في دينتون (المشاركة 220992) دوســـــــــــــــري مطنوووووخ تسلم يمناك على النقل الرائع وصح لسان قايلها

المشاركة الأصلية كتبت بواسطة بنت الاشراف (المشاركة 221252) الله يعطيك العافيه على النقل الموفق للقصيدة القصيدة جدا رائعة

المشاركة الأصلية كتبت بواسطة شيخ بدران (المشاركة 221256) والله صدقت يا اخوي وليت الناس يسمعون وصدق لسان القايل