::: مـنتدى قبيلـة الـدواسـر الـرسمي ::: - اولاد زايد كاسبين الجميلي =ياما طرقوا من خايع مرجهني

- :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)

اولاد زايد كاسبين الجميلي

:006:

:a:

هذه القصيدة مكتوبة بخط يد الامير المرحوم خالد السديري وجدتها ضمن موسوعته وفي مطلعها يقول

البارحة ليل المعنى طويلي =بغيت انام وجنب النوم عني
من اول خير الدلايل دليلي=واليوم شينات السنين اخلفني
ابعد علي النوم يومي وليلي=ومخالب الفرقا بعيدٍ رمني
ارقد خلا مثل الغرير الهبيلي =حتى صديقي ياعلي(1) صد مني
لعبت ليالي علتي في حصيلي=ومن الندم طقيت باالظفر سني

المقصود بعلي هو المرحوم/علي بن مسلم

ثم ينتقل في وصف البادية وحياتهم والفخر بأمجاد قبيلته

ياتل قلبي جت زمول المكيلي =وشدوا عن الما والنجوم اظهرني
وقاد السلف ماتسمع الا الصهيلي=خيلٍ تقاد وفطر شملني
بدوٍ ولامثل البداوة مثيلي=ظعونهم قبل الفجر يرحلني
بدوٍ تفك الملتجي والدخيلي =وترمي العشا يوم الذياب يعوني
بدوٍ الى اركبوا بنات الاصيلي =كم واحدٍ خلوه درك يوني
بدوٍ تشب ضويها بالطويلي =للضيف واللي من بعيد متعني
بدوٍ يهتمون الردي والبخيلي=الشيخ يشمت والبني يشتمني
في ساعةٍ ماهوب يخفى الذليلي=قلطاتهم وافعالهم ماخفني
اولاد زايد كاسبين الجميلي =ياما طرقوا من خايع مرجهني
وياما اشعلوا نار وشبو فتيلي=الى ادلهمن الفتن وارجفني
يرعون طرشٍ كالسحاب المخيلي=في ساعةٍ فيها الشهر يلبسني
يرعى الطرف بين القبيل وقبيلي =بخضر النمش كان النيامس هبني
كم مايقٍ برماحهم شيل شيلي=وطنه الزلبات بحذيهني
وقعد طريحٍ غادي له عويلي=وحوش الخلا من غاربه ينهشني
والضيف يلقاله ضلال ومقيلي=وكرامةٍ كان السنين امحلني
عسى الوسم بديارهم يستخيلي=البرق يلفح والمزن يرعدني
ينثر من الما في ديارٍ محيلي=حتى زبار المندفن يمتلني
وعساه يسقي مهدبات النخيلي=هاك الغروس اللي سعفها متحني
ماهوب قولٍ يقال ولا هقيلي =مغدرات ٍمن الحيا ربعني
ترتع به الفطر كبار الشميلي=خورٍ تلاد من عصور مضني
اقولها والله بخلقه كفيلي=عسى ديارهم بالحيا يرجعني

وهذا رابط نفس القصيدة المذكورة بخط يد المرحوم والموجودة ضمن موسوعته

www.k-alsudairi.com/10c.html