|
الدخول للشعار فقط وغيرهم يمسك الكتف الله لايهينه
1 مرفق
يالربع انا بقولكم الصراحه هالسياره بيني وبينها عشرة عمر من 30 سنه وصراحه انا ماني شاعر بس ابي فزعتكم كل واحد بيشارك مايتجاوز بيتين واحسن بيتين راح تسجل على كبوتها لاني ناوي احيلها للتقاعد وابشركم فصلت لها مضله بالبيت وبدخلها وهذي هي صورتها فديتها شوفها
|
رد: الدخول للشعار فقط وغيرهم يمسك الكتف الله لايهينه
لقاااااااااااااافه
ولو اني مانيب شاعره0
جعل يفدى موتري كل سياره =موتري وقت الوازم يهقويني لاخفضت اله القدم صار طياره= مخبلك يالي تهقوى تباريني هذاااااااا قبل ماترفعها على البراميل:27: (باعتبار ماكان) تقبل مروري وتقديري0 |
رد: الدخول للشعار فقط وغيرهم يمسك الكتف الله لايهينه
يابو لورنس حلني للتقاعد=مابقى بي حيل لاروحه وجيّه لو تحط جسور في جنب المساعد=العمر ولـّى وقربته المنية عقب هدّ الحيل ماتن السواعد=انتبه لورنس لايقضي عليّه |
رد: الدخول للشعار فقط وغيرهم يمسك الكتف الله لايهينه
يابو لورنس حلني للتقاعد=مابقى بي حيل لاروحه وجيّه لو تحط جسور في جنب المساعد=العمر ولـّى وقربته المنية عقب هدّ الحيل ماتن السواعد=انتبه لورنس لايقضي عليّه |
رد: الدخول للشعار فقط وغيرهم يمسك الكتف الله لايهينه
ألا ياددسني ياما سهجتيبي صحاري نجد=زمانٍ فات وألا اليوم عندي وارد ألفيني وفا مني,,ولاهو كل أبو ذا يالعراوي وجد=أبا أحطك تحت عيني وكنك من وراعيني |
رد: الدخول للشعار فقط وغيرهم يمسك الكتف الله لايهينه
والله انكم ماقصرتو وكل قصيده احلى من الثانيه وبيض الله وجيهكم وانتظر المزيد والتحكيم بكره بعد الفطور ومازالت الفرصه للجميع علما بانه تقدر تشارك اكثر من مشاركه والاخ احمد الغاطي تسلم يمناك وكذلك الاخ ابو زيد التغلبي يامال العافيه وتسلم يمناك والاخت شوق 2 ماقصرتي ولقافتك في محلها
|
رد: الدخول للشعار فقط وغيرهم يمسك الكتف الله لايهينه
قــال ابــــولورنس عشـق ددسـن غمـاره ----- امــا هـي توديـنــي والــى انــا اوديــهـا
كـل يــومن تمشيــــني في وســط حــاره ----- شقــرديه حتــى راعي البنز مايجاريها مــزيونه خصـــــوصا لغـــمزت بالاشاره ----- من هولها العالم تعداني وتشر بايديهـا مافيها بريك والحذر عندها كبس الاناره ----- وخـــروا عــن دربهـــا لاحــد ن يــذيـها |
رد: الدخول للشعار فقط وغيرهم يمسك الكتف الله لايهينه
والله الي قام حظ هالسياره السكراب هههههه.
ابو لورنس تسلم يا الغالي.. أخوك أبو نواف الدوسري |
رد: الدخول للشعار فقط وغيرهم يمسك الكتف الله لايهينه
تستاهل
|
رد: الدخول للشعار فقط وغيرهم يمسك الكتف الله لايهينه
ههههههه صح الله لسانكم جميع على الأبيات الرائعه
والله يخلي لك ددسنك يابورنس وعزالله انك ماقصرت فيها . تقبل تحياتي،، |
رد: الدخول للشعار فقط وغيرهم يمسك الكتف الله لايهينه
شباب ماخفيكم سر ابياتكم خلتني احتار كل قصيده احلى من الثانيه والفرصه متاحه لمدة 48 ساعه من الان فهل من مشاركات
|
رد: الدخول للشعار فقط وغيرهم يمسك الكتف الله لايهينه
خذ بسرعه لاتفوتنا الجائزه:icon10:
عقب منتي بعينه غاليه ياوارد السبعين=غديتي للآسف يأم الغلا جيز البراميلي كذا الدنيا ليامن جاك غالي يارث الغالين=مثل منتي ورثتي في غلاك الهجن والخيلي |
رد: الدخول للشعار فقط وغيرهم يمسك الكتف الله لايهينه
الا ياددسني حبتس بقلبي واصلن حده=جمايلتس القديمه والله اني ماتناساها ولكنتس كبرتي والكبر يالعنبو جده=وخردتنا القديمه لازم ان ادور ارضاها اشكرك ياصاحب الخرده على فتح المجال |
رد: الدخول للشعار فقط وغيرهم يمسك الكتف الله لايهينه
1 مرفق
|
رد: الدخول للشعار فقط وغيرهم يمسك الكتف الله لايهينه
ههههههههههه
ابو لورنس قلنا نشاركم في سحمه الله يعطيك خيره ويكفيك شرها :) ياسحمتي ياموتري ياغاناتي // اللي لوازيمي تسدينها ياجعل يسقى يوم أصلح مرآتي // عند الصناعيّه مودينها ماعاد يفرق بيننا الا المماتي // ياجعلها تبقى على زينها |
الساعة الآن 07:19 PM
 |
Powered by vBulletin® Copyright ©2000 - 2025, Jelsoft Enterprises Ltd.
---
