سـرى ليـلٍ الله لايعيـده ولاينـرد=على طاري الفرقا هجوس الفكر هامت
هنوفٍ غلاها ماتغيّـر ولا لـه حـد=يزيد الوله والشوق فعيـون مانامـت
تبيني وابيها من زمانٍ مضى من جد=وتبكي على فرقاي ولاجيتهـا لامـت
عليّه غلاهـا فالحشـا ماكنـن لانـد=تفوح القصايد من حشايه وانا صامت
معاها قضيت العمر كلّه وانـا منشـد=ماقط يـوم ارخيـت يدهـا ولاقامـت
سلامي عليها كثـر ماشعرهـا ينكـد=ومقدار ماورّد حياهـا ولـي دامـت

لوكان لاهل الحب عن شمسهم في=ماقفلّـوا بيبـان سـوره وهولـه
ولويسكت الجوال ماوصّلك لـي=يضيق بي هالكون عرضه وطوله
يابهجة الدنيـا ويافرحـة اعنـي=ماشفت مثلك زود وحده شمولـه
لوينسكب نورك على واهج الضي=مابان من ضّيه يواسـي ذهولـه
ولوللشعرحشمه وباهيه لـك زي=ماعارضت ركبان حرفه خيولـه
موهوب فطره واقدرالعبه شـوي=مشاعري لك فالقصيـد امهبولـه
يعني كـذا بالله لوجيتـي اهنـي=تبغين شعـري مايبـرر فضولـه
بيني وبينك بند في صفحته طـي=انك على كـل البشرلـي ميولـه
والبندلآخر ودي اقول لـك شـي=تهز لي غصن الغـلا بالسهولـه
وان كان لاهـاذي ولاذي ولاذي=في خاطري لك شي ودي أقولـه

مرّت وكن الرضا في وجهها نامي=ماترغب الاّ بستر الحال والحالـه
في عينها شفت شط الحب مترامي=تغضي هدبها ويصفق بالوله جاله
تزهى الزعامه مقامٍ فالحسن سامي=سموّها من كمال الحسـن ترقالـه
فشموخها بنت عزٍ دمّهـا حامـي=وفي سلمها كل عاشق ينبري حاله
عذروبها من ترفها الردف متنامي=مايتعبه كود خصرٍ يشكي احوالـه
قد علموها تقول الصدق وتحامـي=لي شافت الكذب طوّل بالحكي باله
وقدعلموها صغيره قبل الاحلامـي=ليل المدينه نهاره يفضح اعمالـه
وقدعلموها زمان الوصل لودامـي=بآخر ليالي عذابه تبكـي ابطالـه
قولوا لها كان تذكرصدفة العامـي=صدفه ولا ألف موعد يمكن اغفاله
مني عليهـا سـلامٍ رق لهيامـي=للفاتنه بس ذيك؟ وغيرها مالـه؟!

المشاركة الأصلية كتبت بواسطة مسفر المصارير (المشاركة 233589) لله درك يا بو مبارك صح ألسانك ملايين و الله لا يهينك و شهادتي فيك مجروحه تقبل تحياتي و تقديري لشخصك الكريم