|
صبحكم الله بالخير العبدالهادي الوداعين وينهم ؟
السلام عليكم صبحكم الله بالخير جميعاً
ياجماعه لي فتره مهيب بسيطه وانا أسأل يمين يسار عن العبدالهادي اللي من الوداعين ذكر لي الوالد اننا نرجع من العبدالهادي الوداعين بس للأسف انه مافي اتصال بينا وبينهم ويعز علي انه يكون لي بني عم سند وظهر ولا ادري عنهم شي ومن فتره بعد مب بسيطه صار اتصال بينهم وبين قريبن لي ووصلنا الخبر ان اسم الوالد عندهم بالشجرة هو وولد عمه ولكن انقطعت الاتصالات بينهم وضاع الخبر...وبحسب علمي انه فيه منهم بالرياض عوايلن ويرجعون للسليل الحاصل الان منهو جزاه الله خير يدلني على طريقة اتصال باحد فروعهم اللي عنده العلم الأكيد وممكن ناخذ منه العلوم...او جزاكم الله خير بعد انتم يمكن يكون عندكم علم وتفيدونا به لا هنتم يا النشاما |
رد: صبحكم الله بالخير العبدالهادي الوداعين وينهم ؟
السلام عليكم
ابي اذكركم بس بموضوعي لاتسنوني ههههههههه رفع الله من شانكم زود |
رد: صبحكم الله بالخير العبدالهادي الوداعين وينهم ؟
السلام عليكم و رحمة الله
أخي الكريم هذا الرابط فيه بعض المعلومات التي قد تفيدك http://alduwasser.com/vb/showthread.php?t=10005 و الشهر عليكم مبارك و كل عام و انتم بخير |
رد: صبحكم الله بالخير العبدالهادي الوداعين وينهم ؟
يعطيك العافيه عزيزي محمد الدوخي مشكور على هالتجاوب
للعلم فقط اني مريت على هالموضوع قبل هالمره بس عاد ابي اسال بعد مافيه احد منهم بهالمنتدى الطيب او احد على صله فيهم عشان أكون على اتصال مباشر بهم وجزاك الله خير والشهر مباك عليك وعلى الجميع وينعاد علينا وعليكم بالصحه والعافيه يارب |
رد: صبحكم الله بالخير العبدالهادي الوداعين وينهم ؟
سم امر ال عبد الهادي من ال محمد الوداعين من اهل السليل
الله يحييك ويامرحبا فيك |
رد: صبحكم الله بالخير العبدالهادي الوداعين وينهم ؟
صباح الخير...جميعاً
هلا بك والله فرحان ابن فهد..جزاك الله خير على تجاوبك وحضورك طيب ياجزاك الله الف خير هل العبدالهادي المذكورين بالسليل عوايل ينتمون لفخذ آل محمد آل دليم آل لاحق الوداعين ولا به بعد غيرهم من آل عبدالهادي الدواس آل غانم الوداعين طبعاً تسلسلي اللي ذكرته بالفخذ من شجرة الدواسر خذيته لا تضيقون تكفون من كثر الأسئله ولكن تدرون تحري الدقه في السؤال عن النسب اعتقد انه شي مطلوب... ومنتظر التجاوب القادم لاتعبتوا لاهنت ياخوي فرحان بن فهد الفرحان والشهر عليك مبارك وعلى الجميع ان شاء الله |
رد: صبحكم الله بالخير العبدالهادي الوداعين وينهم ؟
http://www.u11p.com/folder3/U11P_FyPSN32fEv.gif
أرحب يابو عبدالله راسالني على الخاص وأيشر باللي يسرك. |
رد: صبحكم الله بالخير العبدالهادي الوداعين وينهم ؟
وعليكم السلام ورحمة الله وبركاته
أنعم واكرم بمن شرف الموضوع هلابك اخوي ابو عبدالرحمن......خشمك اخوي العذر والسموحه ماعندي غير 5 مشاركات ولا يجيلي ارسل لك على الخاص بس تدري عاد ههههههه ابنتظر لين اوصل الـ 50 انشاء الله الا ان كان عندك طريقتن غيرها واما الان خل عندك الخبر الاكيد تراني برسل لك من عقب الخمسين وسلامتك تقديري واحترامي لشخصكم الكريم |
رد: صبحكم الله بالخير العبدالهادي الوداعين وينهم ؟
الاخ وليد بن عبدالله كيف حالك والشهر عليك مبارك
تسال عن اسرة ال عبد الهادي في السليل يوجد اسرتين تقريبا الاوله من ال محمد ال دليم والثانية من ال ضويان وهم نعم الاسر ولهم مكانة بين جماعتهم وعليك الاتصال بامير ال محمد ابن رويه أو امير ال ضويان ابن هميل ويفيدونك وانا حاضر باللي تبي اخوك فتى الوداعين |
رد: صبحكم الله بالخير العبدالهادي الوداعين وينهم ؟
أبو عبدالرحمن
اتمنى ان تكون بصحه جيده صار لك فتره ماشفناك والحمدلله طاب الخاطر شوي يوم شفناك من جديد ---------------------- ابشرك ال 50 وشلناها والرسايل وارسلت منها ثنتين على الخاص عندك ولكن ماعندي خبر ان كان وصلتك ولا لا على العموم ياليت ترد لي الخبر عن محتوى الرساله او تزودني ب ايميلك الخاص ان كنت تود المناقشه عن طريقه بشكل مباشر فقط ان كنت تود ذلك وانا بالانتظار الله لايهينك |
رد: صبحكم الله بالخير العبدالهادي الوداعين وينهم ؟
فتى الوداعين
انا بخير طاب حالك انت بشر وشحالك...والشهر عليك مبارك ياطويل العمر والسلامه الموضوع صار باين من عنوانه الحين.. المطلوب جزاك الله خير تزودني ببيانات اتصال بأمير آل محمد الوداعين..ابن رويه... وان كانك تعرف احدن من العبدالهادي المحمد بالرياض بعد وعندك لهم بيانات اتصال اكون شاكر لك لانه يهمني اطلع على هالشجره واحدد ان كان الوالد له اسمن فيها مثل ماقيل لي ولا لا ومشكور والله لايهينك نبي نشغلك شوي |
الساعة الآن 06:15 AM
 |
Powered by vBulletin® Copyright ©2000 - 2025, Jelsoft Enterprises Ltd.
---