|
شعار لمسابقة المزاين
السلام عليكم ورحمة الله وبركاته
الأخ حنيان الدوسري ، ارجو عرض الشعار على اللجنة الإعلامية .. وأي خدمة في تصميم واجهة موقع المزاين اخوك حاضر.. http://hayyt.com/images/DWASER_LOGO2.jpg http://hayyt.com/images/DWASER_LOGO1.jpg http://hayyt.com/images/DWASER_LOGO.jpg للملاحظات albasl@yahoo.com |
رد: شعار لمسابقة المزاين
كفو يابدران على التصميم الجميل
|
رد: شعار لمسابقة المزاين
ابيض وجه يا بدران على التصميم الاكثر من رائع
بارك الله فيك وكثر الله من امثالك. |
رد: شعار لمسابقة المزاين
بدران مشكور على
اهتمامك بس بدون زعل الشعار يبيله بعض الاضافات |
رد: شعار لمسابقة المزاين
وشكـــــــــــــــــــــــــــــــــــــــور اخوي بدران ولاتعبت بس الشعار مو ووووووووووووووووو حلو هذا رايي بدون زعل مون502 |
رد: شعار لمسابقة المزاين
لله درك يابدران على هذا التصميم الابداعي
جعل يمناك مايجها العطب رااااااائع راااااائع رااااااائع تقبل مني ارق التحايا |
رد: شعار لمسابقة المزاين
والله يابدران شعار جميل
ودي تشرح لي للاي شي ترمز الوانك اسود واحمر |
رد: شعار لمسابقة المزاين
الأخ الغالي : بدران
شكراً لك على هذا الشعار الرائع وعلى هذه البادرة الطيبة واود منك الإطلاع على صندوق الرسائل الخاصة ولك خالص تقديري أمنياتي لك بالتوفيق والسداد |
رد: شعار لمسابقة المزاين
شعار طيَب من رجل طيَب يابدران نشكرك عليه لكن ويش الجديد فيه أضفت صورتين لمجهمين
في مساحه صغيره توازي نصف مساحة الوضحاء وهذا يعني المجاهيم فرع وليس أصل عند الدواسر وهذا غلط المعروف ان الدواسر أهل المجاهيم فالجزيره العربيه والمغاتير تأتي فالدرجه الثانيه الملاحظه الثانيه ألغيت النخله اللي هي فالاساس رمز للوادي ونخيله الكثيره وكذلك رقم واحد جذع النخله وخذ شرح موجز مني للشعار المعتمد النخله رمزللوادي ولاادري لماذا تحاول إزالتها هل هو ذكاء منك كونك ساكن خارج الوادي شرح رقم واحداللي هوجذع النخله يعني إن شاءالله مزاين الدواسر بيصير افضل مزاين يقام فالجزيره العربيه ولاتنسى يابدران ان النخله قبل ماتكون رمزللوادي هي شعار مملكة الإنسانيه أخيراً يابدران والله العظيم أنِي أعزَك لمجرَد مساهمتك ولكن تقبَل ملاحظاتي بسعة صدر ومع ألف سلامه ياعزيزي |
رد: شعار لمسابقة المزاين
اللة لايهينك على كل حال وانا رايي من راي اخوي عبد العزيز ال بريك مئة بالمئة والشعار الحالي احلى بكثير من هذا الشعار وارجوا انك تتقبل الراي الاخر بصدر رحب وهذا الظن فيك طال عمرك
|
رد: شعار لمسابقة المزاين
اشكرك يابدران وبيض الله وجهك وتصميم رائع
واسمحلي تراي حطيته توقيع لي |
رد: شعار لمسابقة المزاين
وعليكم السلام ورحمة الله وبركاته الاخ/ بدران بارك الله فيك على اهتمامك وحرصك فى خدمة القبيله |
رد: شعار لمسابقة المزاين
المعذرة يا اخوان على التأخير في الرد..
وما أقول إلا بيض الله وجيهكم على الدعم والتشجيع ، وترى الدعاء بالتوفيق مطلوب وكذلك الملاحظات مطلوبة يا اخوان ولاباس في الانتقاد الهادف عسانا نطلع بشي يبيض الوجه... ملاحظة بالنسبة لاظهار الوضح بشكل مميز فهذا مقصود لأن الدارج عند كثير من الناس إن الدواسر ماعندهم وضح زيان وابلهم مجاهيم فقط .. أما بالنسبة لمجاهيم الدواسر فما تبي شعار يعزها ولا فيها كلام معروفة عند العرب جملة وتفصيل.. أما ألوان الشعار فهي قريبة لالوان السدو أو مجالس بيوت الشعر غالبا وانا في انتظار اقتراحاتكم.. وارجو ملاحظة ان أي شعار لازم يعبر عن المناسبة بالدرجة الأولى وإذا كثرت فيه الصور والرموز طلع عن الهدف المطلوب. الأخ ابومبارك استلمت الرسالة وابشر بسعدك وشكرا لكل من شارك في هذا الموضوع |
رد: شعار لمسابقة المزاين
ابو مبارك مع التحية ..
لم استطيع ارسال الرابط عبر الرسائل الخاصة حيث تلاقيني الرسالة التالية نأسف لا يمكنك ارسال رسائل جديدة قبل 50 مشاركة لديك الأن 3 مشاركة الإدارة. على كل حال الشعار الآخر أدناه وشكرا لاهتمامك...واتمنى للجميع التوفيق،،، |
رد: شعار لمسابقة المزاين
فعلا جميله
أضم صوتي لك وأرجو تقبلها لاهنت علي حرصك طال عمرك تقبل مروري مبارك الخييلي |
الساعة الآن 01:22 PM
 |
Powered by vBulletin® Copyright ©2000 - 2025, Jelsoft Enterprises Ltd.
---