::: مـنتدى قبيلـة الـدواسـر الـرسمي ::: - ياهيئة المعروف تكفون تكفون* شدو وثاق مروجين الرذيله

ياهيئة المعروف تكفون تكفون* شدو وثاق مروجين الرذيله

--------------------------------------------------------------------------------

السلام عليكم ورحمة الله
عندما تزول الغيره من نفوس بعض المسلمين فما ذا يبقى لهم
هذه قصيده كتبتها عندما رأيت فتاه غير محتشمه والأدهى من ذالك كون محرمها معها على سياره من نوع
جمس فكانت هذه القصيده التي اتمنى ان ينفع الله بها

بالله ياراعي الجمـس بالهـون بالهـون
أرفـق تــرى مــا عــاد بالقـلـب حيـلـه
شبـت معاليـق الحشـا جمـر غلـيـون
وثــارت عـجـاج الــروح تـدفـع مخيـلـه
ترسـل مطرهـا بيـن جفنـيـن وعـيـون
وسيـل شعيبـن مابعـد ســال سيـلـه
وسالت دموع عيون ثم طاحت جفون
وتطـابـقـت مـابـيــن جــمــر ومـلـيـلـه
اسـرح بطـيـات الهواجـيـس مـحـزون
مـمــارأت عـيـنـي عـروقــي عـلـيـلـه
شفت الذي في حد شلفـاه مطعـون
يضـحـك ودمــه قــد أغـــرق شلـيـلـه
طـاب الجنـا يـالـي بغيـتـوا تحـصـدون
والـي زرع بالـشـوك يلـقـي حصيـلـه
ياسطحـي التفكيـر ذا العلـم مدفـون
علـمـن سفـطـتـه للـعـقـول الثقـيـلـه
يافاهميـن الوضـع مـن دون فـي دون
ماهي بهرجـت شاعـرن جـر الطويلـه
شعـرتـن بالـوجـه والـوجـه مـصـيـون
لصـونـهـا سـلــت سـيـوفـن صـقـيـلـه
امـس وقبـل أمـس والـيـوم وشـلـون
لحلـقـهـا الــحــلاق يــســرج بـخـيـلـه
طـار القطـا وجـوك القوانيـص يرمـون
ومــن صابـهـا القـنـاص واعـزتـي لــه
ياهيـئـة الـمـعـروف تـكـفـون تـكـفـون
شــــدو وثــــاق مـروجـيــن الـرذيـلــه
الـــى عـلــى أعـراضـهـم مـايـغــارون
يـــا مـقــرب البـنـزيـن نــــار الفـتـيـلـه
غـرت خـبـول الـغـرب نـاسـن يـغـرون
المبـصـر الــي صــار الاعـمـي دليـلـه
ينادونـنـا بـأســم الـحـضـاره يـنــادون
يـبــون الـعــذارى ينـقـضـن الجـديـلـه
وتمشى ولا في وجهها من الحيا لون
وتـاخـذ خليـلـن يــوم عـافـت خلـيـلـه
شوفوا تجارب غيرنا ياللـي تشوفـون
وحـسّـبــوا الــويــلات ويــلــه اويــلــه
ولاتتـبـعـوا الـهـالـك ثــمــن تـهـلـكـون
ومــن يتـبـع الهـالـك يـضـيـع سبـيـلـه
شمعتـن لـو أنطفـت فـي يـد مجنـون
رحـنــا حـكـايـا ألــــف لـيـلــه ولـيـلــه
ودرتــن مــا بـيــن محـاجـيـر الـعـيـون
لصونـهـا سـلـوا السـيـوف الصقـيـلـه
قلتهـا مـن ضيـقـت الـصـدر مشـحـون
مـمــا رأت عـيـنـي عـروقــي علـيـلـه
ابيات شعـرن جمعتهـا وسـط ماعـون
مــن غيـرتـن هـلـت بـنــا سلسبـيـلـه
ووجهتـهـا لـلــي لـكـلامـي يـعـرفـون
أهـــل الـعـقـول الفـاطـنـات الثقـيـلـه

.... منقول ....