::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم المــحــاورة والألــغـاز:: (http://alduwaser.org/vb/forumdisplay.php?f=18)
-   -   رديه بين الشاعرطلال السعيد والامير الشاعر محمدالاحمد السديري (http://alduwaser.org/vb/showthread.php?t=17309)

الشقرديه 07-08-2007 08:51 AM

رديه بين الشاعرطلال السعيد والامير الشاعر محمدالاحمد السديري
 
رديه بين الشاعرطلال السعيد والامير الشاعر محمدالاحمد السديري

--------------------------------------------------------------------------------

بسم الله الرحمن الرحيم




قصيدة الشاعر \طلال السعيد



ياركب من عندناوراد الجمس ***أسبق من اللي طايرات بسماها

خذ هالرسالة جارك الله من الطمس ***ملفاك ابوخالد سندها ذراها

قله ترى المشتاق له خاطرن حمس ***يزفركما الهيجا لياهاج ماها

من ونتن ونيتها غيبة الشمس ***منها تسج المرضعه عن ضناها

ونيتها ملتاع من خاطرن عمس ***راحت دموع العين تذرف وراها

ساعة ذكرت اللي حديثه لنا همس ***اللي عليه النفس جاهابلاها

علمي بهم سنتين ماهو بقبل أمس ***قبل الليالي السود تبرم رحاها

حبه غمس في وسط جوف الحشا غمس ***مانساه كود الناس تنسى اسماها

يامير لوداجت وجود السما طمس ***يضوي ظلام الليل كاشف ضواها

العين عين اللي كفخ عقب مالمس *** يازينها ياشينها ياغلاها

وجدايله من فوق متنه يجن خمس***أنا اشهد اني خلقا عطاها

منها عصى جفن العنا قولتي أمس***رام السهر روم التنابل عشاها

وشحليتي يامير بجروحي الرمس ***أفزع ترى نفسي قصاها هواها

يامير يامير السعد مابها رمس***فزعه بليا فعل محدن بغاها

ماقلت في مبداي ياراعي الجمس*** قله يعجل ردها لاقراها




جواب الامير السديري

طلال وشعلمك تعسر القوافي***هذي خطيه منك ياساكن السيف

خطك وصلني يالفهيم السنافي***وعرفت ماكنيت من غير تعريف

هليت به وابديت ماكان خافي ***تهلات حاتم طي لاشاهد الضيف

أهلا عدد رمل ذرته السوافي****واعداد من عدي بروس المشاريف

واعداد من لبا وبالبيت طافي***وعداد ماهلت مزون مقانيف

تشكي هوى الخفرات سمر الغدافي***طوال الرقاب ملهفات السراجيف

الناعسات البيض حمر الاشافي***شقر القرون وناعمات الاطاريف

المترفات الفاتنات اللطافي***القاتلات المقبلات المناكيف

منهن ضميرك صار فيه ارتجافي***وتلن قلبك لابسات النفانيف

متذكرن راع الثمان الرهافي***وعليه عينك تنثر الدمع تذريف

إن صاب قلبك من غرامه خلافي ***والله مالوم اهل القلوب المواليف

من حبها دمعك تهله جزافي ***عين العنود اللي تقود المخاشيف

ماترتع إلا بالسهال الفيافي *** وتحوزعن خد الحفا والججاريف

جماتحايد عن غتارومهافي***ومدهالها وسط السهال القفاقيف

عليه هلت دمعتك بانذارافي***وقلبك عليه معلق بالخواطيف

أنامعك في كل ماقلت وافي***أطلب واهدي من براسه زعانيف

الصاحب الغالي نسقيه صافي***وناقف معه لويصعبن المواقيف

وان كان هو بالمال قلنا عوافي***نبذل ولانتبع عطانا تحاسيف

نبذل إلى منه هفا كل هافي***وان كان هو بالجاه جينا مراهيف

وان كان هو بالفعل نمشي كشافي***وعن صاحبي ماني سريع المحاريف

وياما جمعنا من قلوب مشافي***وريحتهم عقب العنا والتحاسيف

أنشد ويظهر لك مع الناس خافي***في لازم الصاحب ولو فيه تعنيف

وعندي لعصمان الشوراب ملافي***ان صددوا بعض الرجال الهراجيف

ذكرتني حي فراقه تلافي***وقربه على قلبي جنان ومواريف

طفل كساه من أشقر الراس ضافي***يشبه لشرطان الذهب بالتواصيف

طلال ابهدي كلمتين خفافي***شطرين باتلا الهرج من غير تكليف

لونون عينك مثل ماشفت شافي***جنى قلوط اركاب عزمك مواجيف



اتمنى مااااتكون مكرررررررره

فرحان فهد ال فرحان 07-08-2007 01:27 PM

رد: رديه بين الشاعرطلال السعيد والامير الشاعر محمدالاحمد السديري
 
الشقرديه متميزه دائما الله يعطيك العافيه على حسن تواجدك ومشاركاتك

عبدالرحمن الشرافي 07-08-2007 07:11 PM

رد: رديه بين الشاعرطلال السعيد والامير الشاعر محمدالاحمد السديري
 
الاخت / الشقردية


لاهنتي على نقل هذه المساجلة الجزلة

و الله يعطيتس العافية على هذا الاختيار الجزل والذوق الراقي


ورحم الله الامير/ محمد السديري


تحياتي

الشقرديه 07-08-2007 10:08 PM

رد: رديه بين الشاعرطلال السعيد والامير الشاعر محمدالاحمد السديري
 
فرحااااااان عبدالرحمن الشرافي اشكرررررركم على المرور

بن ساجي 16-08-2007 03:26 AM

رد: رديه بين الشاعرطلال السعيد والامير الشاعر محمدالاحمد السديري
 
الف شكر يا الشقرديه

انا بصراحه احب قصيد طلال السعيد . وذالمره أختلط مع أمير الشعراء .
كيف يطلع .
أكيد , غـــــــــــــــــــــــــــــــــــــــــــير ؟


الساعة الآن 11:02 PM

Powered by vBulletin® Copyright ©2000 - 2025, Jelsoft Enterprises Ltd.
---