|
قصة وقصيدة لأبن جيعان الغياثات
السلام عليكم ورحمة الله وبركاته وبعد هذه القصة جرت على أبن جوعان الغياثات في قديم الزمان وذلك عندما كان في الخرفه في الافلاج وكانت قليبه مقيبره اللي يرتوي منها ويسقي الغرس منها طويله وكانت تحتاج إلى بعض الحيل من الأبل لكي يسنون عليها وتذكر الأمير وقيان بن نصَار أميرالغياثات وولده محمد وجماعته كلهم فسنَد لهم هذه القصيده ويقول فيها
قـم يانديـبـي وإرتـحـل فـوق مـازان=عمليةٍ حشـوْ الـعـقيـلي ظهـرهــا أركــب ودوَر لـي جـمـاعـة وقـيَـان=غييثيةٍ تسـقـي المـعـادي كـدرهـا غييثيةٍ مـن مسَـهـم عـظـمْ مـعـطـان=وإلاَ على الجيران ترفع نـظـرها ومحمد اللي يلحـق الخـيـل الأكـوان=كم هيئةٍ عـنـد التـوالـي حـظـرها سـلــَم عـلـيـهــم عِـدْ ماهـــــلْ ودَان=إعداد مايمشي الخشب في بحرها تقفون في مقياظـكـم بـيـن الأوطـان=حتى هبوب القيظ تشوي زهرها الغرس هزلانٍ وسـوانـيـه ظـمـيـان=ومقيبره مـاعـاد غـنَـا صـدرهـا شوفوْ لها حـيـلٍ مراجـيـع وإسـمـان=حيـلٍ مـراجـيـعٍ إكـبـارٍ سـررها وإلأ ترى عمي حسين بن سـلـطـان=ماحسَـب الـدنـيـا يـدوَر تـجـرها لاجاه رزقٍ قـال ذا الـرزق مـاكـان=ولو يلزم الدنيا حـسـيـنٍ دمـرها الدين مبـنـيٍ عـلـى خـمـسـة أركـان=اللي يلا جاء في المداين عمرها عسايْ من اللي تابـعـيـنـه بـبـرهـان=ومتابـعـيـنٍ للـصـحـابـه بـأثـرها وصـلاة ربــي عِـدْ ماهـلَـت أمـزان=وإعداد ماحن الرعد في مطرها تقبلو ودي وتقديري للجميع أخوكم دغش البطي |
ونعم بالغياثات والله لا يفرق شملهم
مشكور يا دغش على المشاركه الطيبه |
لاهنت يادغش على القصة والقصيدة
فعلاً متميز في مواضيعك وكتابتك وإلى الأمام دائماً |
ونعم والله بالغييثات وهم أهل للمدح والطيب بيض الله وجهك يادغش على ماذكرت من قصه وقصيد ولاتحرمنا من جديدك تحياتي لك ،،،،، |
بيض الله وجهك اخوي دغش على ذكر هذه القصة والقصيدة الطيبه والله يرحم وقيان وولده ويبارك في عيالهم
تقبل تحياتي،،، |
ارحب يابو بطي
ولاهنت على القصيده المشهوره وبيض الله وجهك |
اقتباس:
الأخ العزيز الغالي سالم الغريري مرحبا مليون × مليون ولايكفون مرورك أسعدني وشرفني لاعدمتك ماعليكم زود وافين جعلكم المعزه لاهنت وبيض الله وجهك وجعل شيبانك في الجنة تقبل الود والتقدير أخوك دغش البطي |
اقتباس:
الأخ العزيز الغالي أبن غياث مرحباً مليار × مليار بالرجال الأخيار الله لايهينك ويبيض وجهك على المرور العاطر تحياتي القلبية لك أخوك دغش البطي |
اقتباس:
الأخ العزيز الغالي البراق مرحبا مليون × مليون ولايكفون مرورك أسعدني وشرفني لاعدمتك وماعليكم زود وافين جعلكم المعزه لاهنت وبيض الله وجهك وجعل شيبانك في الجنة تقبل الود والتقدير أخوك دغش البطي |
اقتباس:
الأخ العزيز الغالي العماني مرحبا مليون × مليون ولايكفون مرورك أسعدني وشرفني لاعدمتك والله يرحم الأموات ويبارك في الأحياء لاهنت وبيض الله وجهك وجعل شيبانك في الجنة تقبل الود والتقدير أخوك دغش البطي |
اقتباس:
الأخ العزيز الغالي بن مشخص المسعري مرحب يبقى لاعدمتك ولاعدمت مرورك العاطر لاهنت وبيض الله وجهك أخوك دغش البطي |
دغش البطي بيض الله وجهك وكل علومك غانمه وبياض وجه الله لا يهينك وتشكر على جهدك الطيب واختيارك الموفق اخوك ابو عبد الله الشكري |
دغش البطي لا هنت يالمبدع على العلوم الغانمه
ونعم ونعم ونعم بالغيياثات مانوفيهم حقهم القروم تقبل تحياتي فهد الغريري,,,,,,,,,,,, |
ونعم بالغييثات وبيض الله وجهك يادغش على المشاركه الطيبه
تقبل تحياتي ,, |
اقتباس:
الأخ العزيز الغالي أبو عبدالله الشكري مرحبا مليون × مليون ولايكفون مرورك أسعدني وشرفني لاعدمتك وثنائك وإطرائك شرفني لاهنت وبيض الله وجهك وجعل شيبانك في الجنة تقبل الود والتقدير أخوك دغش البطي |
الساعة الآن 06:30 PM
 |
Powered by vBulletin® Copyright ©2000 - 2025, Jelsoft Enterprises Ltd.
---