الله يرحم شايب لي فقـــــــــدناه= تمت وفاته بعد عـــــــــيد رمضاني
يالله يالمعبود جنتك مـــــــــأواه= جنات فردوس بعــــالي الجــــــناني
يابوى إنا خمسة عشر عام ماانساه= ياكيف أبنساء شامخين المقــــامي
يابوي من عقبك ترى الدار عفناه = مالي هدف بديارهم هــــالزماني
يابوي من شان المشاكل تركناه = يابوي جتنا من بعـــيد أودانـــي
حتى القضاء يابوى جابه مراعاه= الحق ضاع ولا بقي له مـــــكاني
لا صار جرحي من قريب عرفناه= وين الطبيب إلى بطبه شفــــاني
نصيت قصر راسي فوق مبناه = قصر دخيله امن مــــا يضــامي
يابوى قصر بأسفل الضلع مرساه= يابوى ابنصاء نايفات المبــــــاني
يابوى ابنصاء راعى القصر وانخاه= انخا ابن غزي رفيع المعــــــــاني
يابوى ابن غزي إلى من نصيناه= يقول يبشر بالفرح من نصـــــاني
كل إل بن غزي أهل خيل ورماه = ما يجهل الخيال مسك العناني
عبدا لعزيز اللي له الراى والجاه= يقول حي اللي لفاني وجـــاني
أمشرع بيبان قصره لمن جاه= للضيف ولطرقي ومن جاه عاني
عبدا لعزيز هو عزوتي لا عدمناه = يفداه من يسكن جنوب وشمالي
يالله عسي يأخذ كتابه بيمناه = بيوم لهوله كل واحد يعـــــاني
وصلاة ربي عد وبل نثر ماه= على النبي اكمل صلاة وسلامي