بكيت ما بين الجبل والنفودي=وذكرتانا لي منزل قد حميناه
فكرت انا لاذي منازل جدودي=في عصرنا ماقد حي نزل ماه
واليوم شبت ووهنتي عضودي=مع العجوز ومركب الجيش عفناه
بين الحنايا والكتب والعمودي=وعزي لمن قل الجهد منه عزاه
ييكن فعلي ناقضات الجعودي=لا زرفل المظهور والاش خلاه
لازرفل المظهور قدم الجرودي=كم واحد باطرافهم قد طرحناه
وان هج ومل مورسات الخدودي=كم واحد من شوف ربعه قطعناه
ننطح شباها والقبايل شهودي=وان لاح براق من الوسم زرناه
واليا ركبنا كل قبا عنودي=يامن بنا المصلاح لو طال مفلاه
كله لعنيا كل وضحا تنودي=والا خلوج بوها قد رميناه
نرعى بها في نازحات الحدودي=لازبر الوسمي واسقى النبت ماه
بآلاد مسعر في الحرايب زنودي=ياسعد منهم محزمه في الملاقاة

ايه والله .. كلنا نبكي فعلك يا شارع

ومليااار نعم بربعه لاد مسعر


رحم الله الشيخ / شارع بن قويد

فكم وكم سطر من الأمجاد لهذه القبيلة العريقة

واللهم ارحمه واسكنه الفردوس الأعلى


وبيض الله وجهك يا ولد ودعان

على هذا الجهد




تحياتي