::: مـنتدى قبيلـة الـدواسـر الـرسمي :::

- :: قسم الـشعر العــام :: (http://alduwaser.org/vb/forumdisplay.php?f=16)

- - الشعرواهل الحداثه (http://alduwaser.org/vb/showthread.php?t=16201)

الشعرواهل الحداثه

الشعرواهل الحداثه


	يقول وراث الشعر من هل(ن)له=ومع النشامى قدمه فعل يمنا الله من قلب هجوسه اتله=تل الغروب اللي على جال منحاه سبة قصيدصاير(ن)فيه خله=لاينعرف وزنه ولاويش معناه الشعر جا من بدله من محله=احد يحوسه حوس واحد توطاه واحدكسر بيته وجابه يشله=وعيايطابق للحن يوم غناه التايه اللي مانصى من يدله=ماهوبعيب يسل الرجل لاتاه قالوحداثه قلت شعر الممله=اللي يدور زين يتعب ويلقاه يتعب على سبكه وفتله وحله=ويطرب له الجمهورلامنه القاه المستمع يصغي الى جايهله=بيوت شعر بالمعاني املاه من شاعرجزل المثل مايزله=يرهي على جزله بليامراواه البيت لولاوسطه ماتشله=كان اختلف سمكه ولازان مبناه اشره على بعض النجوم المطله=ماينصحون اللي ثعى فيه واعماه هذى جوابي واضح بالادله=والسيل مايمشي مع غيرمجراه تم الكلام اللي بدقه وجله=عساه يطرب بال من كان يقراه

سالم بن دهيم الكاموخ الغياثات

رد: الشعرواهل الحداثه

صح الله لسانك يابو فيصل وصح لسان شاعرنا ابو دهيم قصيده جزله من شاعر جزل ولاهنت على الاختيار الرئع

تحياتي

ابن غيث

رد: الشعرواهل الحداثه

الأخ سالم بن صمهود

سلمت يداك بما خطت وصح لسان الشاعر سالم بن دهيم

لك كل الود والأحترام

أخوك أبو نواف الدوسري

رد: الشعرواهل الحداثه

اررررررررررررررحب يابوفيصل ترحيبة المطر

البيت لولاوسطه ماتشله=كان اختلف سمكه ولازان مبناه

اشره على بعض النجوم المطله=ماينصحون اللي ثعى فيه واعماه

وصح الله لسانك ولسان الشاعر سالم بن دهيم وبيض الله وجهك وجه والله لايهينكم يالقروم

تقبل فائق احترامي

ابوجمال الغييثي

رد: الشعرواهل الحداثه

اشره على بعض النجوم المطله=ماينصحون اللي ثعى فيه واعماه

ايه والله نشرره عليهم...

ابو صمهود

لاهنت على النقل وبيض الله وجهك

والله يعيين الشعر تالي الايااااااااااااااام

تحياااااااتي

رد: الشعرواهل الحداثه

صح الله بدنك يابومهل والله لايهينك

رد: الشعرواهل الحداثه

ابونواف الدوسري لاهنت وشكرا لك على المرور