لـيت الـتمـاني للـفـتى تـدرك امـنـاه= وان قـولـة ياليت تـقـضي الـزومي
كـان اتـمنـى شـوف ربعي ومـرباه= حـيـثـه هـوا قـلبي وغـايـة حـلومي
حـدتني الـدنـيا عـلى غير ماارضاه= واصـبر عـلى الـدنيا بقـو العزومي
عـزي الـعـينا لـذت الـنوم مــاجــاه=وسـهـرت عـيـوني مـاتهنيت نومي
فـياالله ياللـي كـل خـلـقـه بـرجــواه = يادايـمـا وسـواه مــااحــدا يــدومي
ياللي الى ظـاقـت عـلـى العـبد ناداه= وانت الالـه اللي بخـلـقـك رحـومي
لاطـرقـيـا جــاني ولا خــط اقــراه=ولا اتحــرا مـن يجـيب الـعـلـومـي
الله عـلى اللـي يطـوي الخـد ممشاه= مسافـه اليومـين لـه نصـف يـومـي
لاغــاب نـورالشمس والـليل غـبـاه =ولـع بـنـوره واقـتـدا بـالـنـجــومـي
سـواقــه اللي يبخـص الدرب ماتـاه= يعرف طريق ارمالها والحـزومـي
والجدي منه اخلاف واسهيل ينصاه=ينصاه كـنه لـه عـلى الـدرب يـومي
يسرح من الجهـرا وفي برك ممساه=والعصر في ذيـك الديار امعـزومي
ملـفـاه ربعــاتـكـرم الـضيف لاجــاه = ويـذري ذراهـا من لهيب السمـومي
للظيف تـذبح شـمخ الـنيـق والـشــاه =ولا يـذبـحـون الا كــبـار اللــحومي
اولاد على ويـل مـنهـم لـه اعـداه = ضد الضـديـد مطـوعـين العـزومي
عزالله انها غــايـت القــلب ومـنـاه=والله يــلـوم اللي العـيني يـلومــي
ياحي ذيـك الـدار ياعـبـيــد حــيـاه =لعـل تـسـقـيـهـا رزان الـغـيـومي
ديرة بني عـمي هـل الوجه والجاه= اهـل الـفـعـول الـطـيـبه والسلومي
دار بـخـطـلان الـيـمـاني معـفــاه= وحطولها جدع الجماجم ارسومي
يـومـا زايـد غـاب ودع بـهـا ابـناه= ودع بهـاالي ينـطـحـون الـزومـي
قـومـا تـحـد اجـمـالـهـا بالـمـلاقـاه= وحــريـبـها بـامـر الاله امهزومي
اولاد زايــد مـلـحـقـين الـمـخـــلاه= يـوم الـمـلاقـا واخـتلاف السهومي
وقـصيرهـم يحـشم وتدمح خطاياه=ومـقـدريـنا جـارهـم ومـحشـومـي
والظيف يوم الظيف مايوجد اقراه=ثـلاث وجـبـات عـلـيهــم لــزومي
وخـويهـم يـامــن وامـانـه بـيـمنـاه= ويامان بـهـم يـوم الامان معدومي
توسم عصاه ولا تهقـوا به اعــداه= ويمشي بها بين ال زايـد عـمومي
وصـلاة ربـي عــد مـاحـل ذكـراه= وماناحت الورقا بروس الحزومى