سلام يانايف زبون المواجيب=سلام رديـة بـوزنٍ وقيفـان
سلام ياللي تفعل ايدينك الطيب=اقلط بحشمة ياسلالة عليـان

اهلا هلا باللي بعث لي مكاتيب=اعداد ماينزل على الارض هتان
انا لمثلك باعسف القاف واجيب=هات العلوم المسرجه ياكحيلان

اعرفك شاعر دون شـكٍ ولا ريـب=ولك في بحور الشعر ياصاحبي شان
الزير وش خلا بعـد ذبحـة كليـب=احدٍ يقول اقدى واحد قـال غلطـان

ياشاعر ٍ ينهض بروح الاساليب=شهادتك نفخر بها يابليهان
الزير ماحسب لضرب المشاهيب=ومن مايحسب للرياجيل ينهان

ياذيب ياللي تحسب حساب للذيب =انا اشهد اني يوم احاورك كسبان
والزير لأجل كليب سوى الاعاجيب = وله رايةٍ رفعت على راس مابان

الزير طوعها بحدب العراقيب =يدرك مضامن قصته كل طربان
ياذيب يومنك تذب المراقيب=عسى الماكسب ترتضى قدر الامكان؟؟

ظني بكم يانادر الفعل صوّيب = لكن رمعت وصرتنا منك حيران
أول تقول الزير غاشيه كم عيب=واليوم لبّسته مع التاج نيشان