أبـو درهـم فـتح للشـعر طاقـه = وفك أبواب مافيـها غلائـق
وجاني هاجسـي مكشوف سـاقه = وقـلبي به ولـه والشـوق حائـق
بميدان الأدب معلن سبـاقه = كتـبت أبيـات في بعض الدقـائـق
عبير الورد جاني في بطاقه = من المحبوب صمم لي بطائـق
بطائق ريحها فيه العباقه = بريح المسك وأزهار الحدائـق
يعبر لي حبيبي عن فراقه = وأنا شوقي لشوفه شوق فائق
سألت الزين بأسلوب الحماقه = سؤال أحمق ولامعناه لائق
سؤالي كيف أخرت العلاقـه = وجوب لي بمضمون الحقائـق
وقال أخرتها جمع الرفـاقه = مع الأحباب توثيق العلائـق
كلامه يشفي النفس المعاقـه = يداوي الروح من كل العوائـق
حبـيب الـروح في لحـظة عناقـه = يـسلي خاطري والبال رائـق
وريـقه كالعـسل حالي مذاقـه = ورقة بسـمته شهـد الرقـائـق
جماله مكتـمل ذوق ولبـاقه = وقوامه معـتدل مافيه عائـق
لطيـف الـروح في جسـمه رشـاقه = وخفت دم بالأخـلاق شائـق
حبـيبي باح لي زود إشتياقـه = وقال الصـدرمن فرقاك ضائـق
وقـلبي ياعلي زاد إحتراقـه = ونـار الشـوق شبت بالحرائـق
وصـبري ياعلي طـول سيـاقه = وأنا أترجـاك تلقـاني دقـائـق
أنا رديـت له ميـتين بـاقه = جميـل الورد وأزهار الشقائـق
جـوابي للغـلا حسـب إتفـاقه = نجدد عهـدنا بأقـوى الوثـائق
حبيـبي خاطري مافيه طاقـه = لفرقاكم ولالي قلب طائـق
وبحـر الشـعر عندي والعذاقـه = بوصـف الزيـن نختار العذائـق
عـجزشعـري بوصفه في رواقـه = وشعـري فيه من كل الطـرائـق
وأنا عاجـز وشعري في نطاقـه = عـجز بالوصـف وأعجز كل سائـق
ختمت الشعر من بعد إنطلاقـه = تحية عـطر تهـدى في البطائـق
لـكم من قلب صادق في وفـاقه = مع ورد الندى ريحه عبائـق