رسالةٍ جتنـي بهـا طيـب الانفـاس=من طيـب روح اللـي بعثهـا إليـه
يسبق شذاها قبل نغمـات الأجـراس=قـراها سمعـي قبـل شوفـة عنيـة
من عند من هي عزوتي فوق الأفراس=لاجـا نهـارٍ فـوق قــب العبـيـه
أصيح أخو حصه وانا رافـع الـراس=الله خلقـنـا للمـعـالـي عـلـيـه
قصيدتـك عقـدٍ مرصـع بالألمـاس=مليانـةٍ حكـمـه وجـزلـه وفـيـه
إن كان تشكي من جفا بعض الأجناس=حنـا فـي وقـت زود الغـي غيـه
بشيل عنك الضيم والهـم و البـاس=مرضـى لـك إلا فـي حيـاةٍ هنيـه
ياما ضربت اخماس صفقٍ بالأسـداس=أقـلـب التفكيرصـبـح وعشـيـه
الوقت نفس الوقت والناس هم نـاس=بس البشـر قلوبهـم ماهـى صريـه
محبة مصالح فاقده طعـم الأحسـاس=ولاتمـت الحاجـة تنـكـر خـويـة
الناس فيهـم غـادرٍ مثـل جسـاس=لـدغ قفـا بلسـان بـه سـم حيـه
الفرق واضح بين ذيـبٍ وهجـراس=الـذيـب مايسـلـك دروبٍ رديــه
وفيهم اللـي بالحكـي طيـر قرنـاس=وفى لازمـه سـوى سـواة الحديـه
الحـر هداتـه تنومسـك نـومـاس=طلعـه بعـيـد ويلـحـق ابمقـدريـه
قلته وانا في ماضي الوقـت محتـاس=اشـره علـى هـذا وهـذا وذيــه
دققت في الحسبة وراجعـت الأقيـاس=القلـب لـه بعـد ومسافـة خفـيـه
أخذت لي من ماضي الوقـت نبـراس=أسبابهـا طيبـة مـع أحسـان نيـة
وصلاة ربي علـى خيـر مـن داس=فوق البسيطـة واشـرق بنورضيـه