::: مـنتدى قبيلـة الـدواسـر الـرسمي ::: - رحــبـــوا بــــ :* خــــريــــص بـــن مــــنــّــاع *

- :: قسم الـترحيب والـتهاني :: (http://alduwaser.org/vb/forumdisplay.php?f=21)

رحــبـــوا بــــ :* خــــريــــص بـــن مــــنــّــاع *


	السلام عليكم ورحمة الله وبركاته مساكم الله بالخير جميع كل(ن) باسمه أهنئ المسؤولين على هذا المنتدى والذي يجمع شتات قبيلتنا المترامية الأطراف في جميع أقطار جزيرتنا العربية وإن شاء يكون خير معين وخير رفيق على التواصل فيما بيننا وصلة الأحـــام ومرحبا بكم !!!! والمعروف لا يعـرف

يا الله يا من هو على الناس معتلي= يعلم نواقصها ويعلم بزودها
يا موحي المصطفى خير الورى= ومحمله بامانة لك يذودها
حتى مشت معه الصحابه على الهدى= وموحدين كلمة الله عمودها
انك تفرج كربتي يوم جيتك= طالبك يارحمان وانْت معبودها
ومن يطلبك يارب ماراح خايب=يا عـالـم الـدنيا وما في فنـودهــا
من واهجٍ فالصدر ماضْن يبرى= وما واحدٍ غيرك يداوي كمودها
على مفارق لابة ٍ تفرقوا= أمارةٍ ساس الامارة جدودها
أفعالهم غنَّا بها كل شاعر=و لا خير في هرجٍ بليّا شهودها
قلته و انا من لابتن تغلبية=ســم الأعــادي لاتبـين حسودهــا
تغالبٍ غلا بةٍ تغلبية=تبرق بواريق السعد في حشودها
حنا هل العادا ت والطيب والثنا=حنّــا مراكــزهـا وحنـّـا نرودهـا
أمجاد من الاجداد جتنا وراثه=حـزنـا عليها والأعــادي نكودهــا
حنّا الْذي منّا فوارس ربيعة=منّــا زعـامتـها ومـنّـا أسودهــا
يا مهبَلك يا التبّع اليماني علامك=تبغي شفى نجد ومنابع سدودها
من دونها تغلب ظنا وايل الفحل=بحد الرماح اللي صنعها يهودها
على خيولٍ ما تْلَبس الاعنّه=ورثٍ على ورث من عاد وثمودها
ونَطْحوه ربعي مثل مزنٍ تحَدَّر=بَرّاقها يلعج وتهدر رعودها
سقْوه كاسات من المُر علْقَم=حتى شرب التبّع اليماني نكودها
حـنّـا بـنـي تـغلب مضايا فعولنا= تشهد لنا نجـد و مـا حـدَّت نـفودهـا
حـامينـها بالـسّـيف والدّرع والقَنا=نـارد عسـيرات الـمـوارد نـرودهـا
منّـا عُـدي المُـلـقّـب مُـهلـهِـل=وكليب وائـل مـن ركائز جدودهـا
و عـلقمة بن سيف وعتاباً وغيرهـم=ولُبيد و الأخيـل ركـائز جـودهــا
وعـمرو بن كـلثوم أبا عن الـرْدَى= قـائد بنـي تغـلب وسـيد أسودهـا
ما طـاع عـمـرو بن هنـد وغـيـره=شـتّت شمايلـها وفـرّق جنودهـا
عمـرو بن هـند طلب بنـت شـيخـنا = ليلـى يبيها تخـدم أمـه بجودهـا
مـا يـدري أنـها من سـلالـة تغـلب= طـيْب الثـرى منها وإليـها يـعودها
سـبهان مـلابسـها وديـباج ثوبـهـا= سـندس ويـاقوت وزمـرد عـقودها
وهـودج من العـاج المنقّـش صنع لها= وشـفاً حمر سـوّي خدار لعودهـا
واليـوم يبغـيها مـع جُـملـة الخَـدم= وينـقض مـع بكـر و تغلب عهودهـا
وصـاحوا عـليـهم صـيحةٍ تغـلـبية= خيـالة الـهَيْـجا زحـازيح قودهـا
فـرسـان في الميـدان لاكتّـم الرمـك= زحـول وزحازيـح عما من يكودهـا
غَـاراتـُهم يشـبَع بـها طاير الخـلاء= ياكـل مـن شيوخ القبـايل ثنودهـا
وتشـابـك الـفـرسـان منّـا ومنـهم= كـل أبـلـج أدى مـوادي جهودهـا
وتـلاقـت الشـيخـان منّـا ومـنـهم= مـثل الرعد فـي مدلهمـات سودهـا
مـثل الرعـد في مـزنـةٍ هـرمزيـه= تلـعب رفايـاهـا وتـرزم رعودهـا
قلته وأنا ترثة عياض بن تغلب = لعل عود خلفه في خلودها
هو الامير عياض ترثت ربيعة= طلعت زعامتها وسيّد أسودها
وادي العقيق حماه من كل غاير= مسير يوم ما يقرَّب حدودها
حفَّر بَها القلبان جمٍ علاقم= وشيَّد بها القلعة ورسَّى حدودها
خيَّال لا من غارت الخيل فالوَغى= يروي سنا سيفه ثنَادي فهودها
كـمٍ عـقـيدٍ ذوَّقـه صـافـي الـونـى= وكـمٍ فـارسٍ خلاّه فاسْفَـل لحودهـا
فـي وادي العـقيق رماح قومٍ تخالَـفت= تسـعين يـوم والحـرايـب بزودهــا
مشو من الوادي إلى برك والركا= والخيل تسبح فالدما إلى عضودها
حتى مشت معه القبايل جميعا= بني تميم خلْطَها ومْعَدودها
هـذي مـفـاخـرنا وهـذي أفـعـالـنا= أمجـاد فزنـَاهـا والاعَـادي نكـودهـا
هذا وصلى الله على سيد الملى= وعداد من حج بيت الحرم من حشودها