ترى الخير له كتاب و الشـر لـه كتـاب=و كل من الكتـاب لـه نشـرة و اعـلان
نديمك على الدنيا ليا طاب و قتـك طـاب=و لا شان وقتك شان و ان زان و قتك زان
يظما لك و يخرمك لك و من وحشتك يرتاب=علي الحـرام إن الخـرم للنديـم ادمـان
و الصحبة توجها وفا معشـر الاصحـاب=مثل المسعري مبخوت و لا مثـل حثـلان
اللي مـا يسـوي مثلهـم بالوفـا كـذاب=لو انه يتمظهر بالمظاهر ما هوب انسـان
اللي ما يقابل هرجـك بلـب و استيعـاب=ما يمديه يعرف قيمة الحـب و الكرهـان
يا ذات اللبيب اختار ما نلت منه اعجـاب=و الباقي يسجل تحت توقيـع بـن جـدلان

ياذات اللبيب ايقظت في صوتـك الالبـاب=كلام ٍ يخلد له صـور مـع هـل الأذهـان
لو الصدق ماله نـور ماللحـرم محـراب=يقول الرسول اللي ما صار و حصل ما كان
ترى الكذب بيت العيب و الصدق ما ينعاب=من الله خلقها يـوم كـان السمـا دخـان
أحـب المدايـح بهـل الـديـن و الآداب=و ترى الحق جهره نور و الصمت للشيطان
و مبخوت ساس بالدواسر مـن الانسـاب=و حثلان بن ناصر مـن العـزة السبعـان
و تمدحهم الشعار مـن كـل فـج و بـاب=قبل يشهـد المحبـوب و يزكـي الديـوان

المشاركة الأصلية كتبت بواسطة فيصل بن جزاء (المشاركة 167957) لاهنت ياابوزابن وبيض الله وجهك ويستاهل مبخوت المسعري وحثلان العزه وصح السان ابن جدلان وابن سمير تقبل التقدير والاحترام

المشاركة الأصلية كتبت بواسطة نايف الخييلي (المشاركة 167962) بيض الله وجــهكـ يابو زابــن على الموضوع الطيب وصــح لسانك ولسان الشاعر الفحل سعد ابن جدلان والشاعر عيد ابن سمير ويستاهل الثناء مبخوت المسعري وحثلان السبيعي . وعز الله انك أتحفتنا بالقصه والمجاراه الجميله

المشاركة الأصلية كتبت بواسطة ابو زيد الغييثي (المشاركة 168071) انا شهد للطيب عنوان وبيوت لاهنت لاهنت لاهنت لاهنت لاهنمت لاهنت لاهنت لاهنت يا بو زابن المسعري على الابيات الاكثر من رائعه ويستاهل مبخوت المسعري وحثلان السبيعي وصح اللسان بن جدلان وصح اللسان بن سمير محبك ابو زيد الغييثي

المشاركة الأصلية كتبت بواسطة هايف العماني (المشاركة 169084) بيض الله وجهك يابوزابن وماقصرت يالمبدع تقبل تحياتي،،

المشاركة الأصلية كتبت بواسطة يحيى الودعاني (المشاركة 169176) تسلم يالقرم على النقل الطيب يستاهلون