::: مـنتدى قبيلـة الـدواسـر الـرسمي ::: - أمـــانـة !! كل ما يطـــري عليـك البعــــد .. علمنّـي

- :: قسم الـشعر العــام :: (http://alduwaser.org/vb/forumdisplay.php?f=16)

أمـــانـة !! كل ما يطـــري عليـك البعــــد .. علمنّـي

أمانـة .. لا تعلقنـي معـاك وتنسحـب بسـكـات = أمانة .. كـل مـا يطـري عليـك البعـد علمنّـي
وأمانة .. لا تعيشني علـى رجـوى زمـان ٍفـات = إذا هان الذي بينـي وبينـك .. حّـن .. وأرحمنـي
وأمانة .. لا توقفني علـى بـاب الأمـل لحظـات = ترى كـل شـي يهـون .. إلا تـروح ولا تكلمنّـي
وتراهـا كلمـة وحـده بـلا عـذر وبـلا إثبـات= وإذا خفت الزعـل منهـا .. تراهـا مـا تزعلنّـي
أنا أزعل يوم تنساني وأنا أتبع حلمـي اللـي مـات = وأنا أذكر ما دهى قلبي .. ( مابغى مـن يذكرنـي )
بدايـة قصتـي كلمـة .. وآخـر قصتـي أبيـات=عذاب ٍكل ما طالت سنينه شفـت المـوت طاولنـي
أنا اللي ما وفـى حظـي سـوا بالهـم واللوعـات=أمنّـي قلبـي الطيـب .. وأشـوف الحـظ خاينّـي
أنا اللي ما أحتمل قلبي فراق اللي يبـي .. هيهـات = ألا لو يحتمل قلبي .. لا أجنّـب مـن رحـل عنّـي
روى خدي من دموعي شبـع قلبـي مـن النكبّـات= أظن الظن بأحبابي .. وما أسرع ما أختلـف ظنّـي
ضميت من الهوى ياما .. وتجرعت العنـا رشفـات =وتنطحّت الدهـر هالـك صويـب ... لا كنّـي ..
أزيف ضحكتي .. مهما بقى فـي خاطـري ونّـات=وأضمد طعنتي .. مهمـا ظـروف الوقـت ذلنّـي
وترى لو شفتني أضحك وأجامل .. وأكثر الضحكات=ترى كل السنين اللي مضتلي .. مـا ضحـك سنّـي
وإليّا مني فرحت بوقت بكيـت فـباقـي الأوقـات=وتبغاني بعـد أسكـت ..! وترحـل مـا تعلمنّـي !
ترى ماني بناقص هم .. ودموع .. وحزن .. وآهات = أمااانـة .. لا تعلقـنّـي بحـبـك .. لا تعلقـنّـي
أمانة .. يا آخر أحلامي .. أمانة يا أعذب الترفـات = أمانة .. كل ما يطـري عليـك البعـد .. علمنّـي