::: مـنتدى قبيلـة الـدواسـر الـرسمي ::: - لشــاعره الكبيره /النـادره.... ياسعــووود.

- :: قسم الـشعر العــام :: (http://alduwaser.org/vb/forumdisplay.php?f=16)

- - لشــاعره الكبيره /النـادره.... ياسعــووود. (http://alduwaser.org/vb/showthread.php?t=15071)

لشــاعره الكبيره /النـادره.... ياسعــووود.

ياسعود لاتنشد عن الحـال ياسعـود
مابـه جديـدٍ ياعضـيـدي اقـولـه

الحال دوم ابنقـص مـا يمّهـا زود
والحـظ نـوّخ ياالسنافـي ذلـولـه

اجامل الاصحـاب و القلـب ملهـود
والجرح في عوج المحانـي اعولـه

منهو سألني قلت انا سهود ومهـود
اخـاف لاتشمـت قلـوبٍ غلولـه !!

ياسعود حالي من عناء الوقت مضهود
والعين صارت مـن كراهـا ملولـه

ياوجد حالي وجد من عـاش مفـرود
اعلن قصاصه وصار موعـد حلولـه

ولاغريـقٍ عايـش ايامـه الـسـود
عينه تشوف الجال وعيـا يطولـه !

من واقعٍ خـلا الامـل فـيّ مفقـود
شيّب عيوني من زمـان الطفولـه !

ماهو غرام احباب وفـراق وصـدود
الا زمــانٍ اتعبتـنـي حـمـولـه

اشوف بعض الناس ماتوفـي عهـود
قولٍ علـى الفاضـي بليـا فعولـه!

واشوف ناسٍ لاحكـت دبلـة اكبـود
تظهـر فضايحهـا بحكـيٍ تقـولـه

واشوف منهم حطو الشعـر منقـود
وقالـو بأنـه محتكـر للرجـولـه!

اقوال نسمعهـا لهـا الـف مقصـود
ماتصدر الا مـن عقـول مهبولـه!!

شعر المره من ماضي الوقت موجـود
مافيـه منهـو ينكـره بالسهـولـه

فان كان قافي ماغـدا كنّـه النـود ؟
يبـري جـروحً بالحنايـا علـولـه؟

والبسّه من هاجسـي عقـد منضـود
وجزالتـه منهـا عيـونٍ ذهـولـه!

يحرم علي ولـد المناعيـر والجـود
ان كان ماأسّسّـت فالشعـر دولـه!!

منقــــوووول

تحــياتـــي
خــــالد الودعــاني