شاقني فعل الدواسر متيهـة الغريـب=لابـةٍ تاصـل الكـايـدة بعزومـهـا
صاح ابن عواد فيهم وعيّن له مجيب=غاليٍ ذكره والارقاب غـالٍ سومهـا
يوم جا ينقل صوابه من الدنيا صويب=والليال السود ترخي عليـه كمومهـا
قايمٍ في الدم والدم موضوعٍ صعيـب=ناشفٍ ريقه ونفسه تزيـد همومهـا
ماوراه إلا أملحٍ يبتر العظم الصليـب=والخصوم النايبة ما تحن خصومهـا
انتخى: يالابتي يا منزحـة الحريـب=وادركوا عشرين مليون ثاني يومهـا
موقفٍ غصاب يخلص طليبٍ من طليب=صدق ياطيب الدواسر وطيب سلومها
يكتب التاريخ وتجف محبرة الاديـب=ولو تجف المحبرة والقلـم مالومهـا
والله لاني ولْد عمه ولاني له قريـب=مير وقفات النشاما تجيـك علومهـا
دون نقصٍ فالقبايل بلاشـكٍ وريـب=القبايل ماحدن يقدر يغـط سهومهـا
كل قومٍ لهم فالمرجلة قسم ونصيـب=وانا من قومٍ خيار القسـوم قسومهـا

شاقني ذيب على العز طوح بالقنيب=وعتلى بالطيبه في طويل رجومها
مايرافق للذياب الضواري غير ذيب=ايعشقها والامور الصعاب يرومها
عشت يامرزوق لعل شمسك ماتغيب=يالشجاع اللي بحور الجزال تعومها
مادح(ن) قوم(ن) لصوت المنادي تستجيب=لازهم زهامها مأهتنت في نومها
الدواسر لابتي لاحصل يوم(ن) عصيب=من فعايلها تحقق جميع حلومها
اقبلو من كل فج(ن) كما السيل الجذيب=كل قوم(ن) قادها للوعدزيزومها
وانقذو بأمر الله اللي على خلقه رقيب=نفس مسجون(ن) من السيف كان يهومها
موقف(ن) من لا فزعبه يصب إله السريب=والكرامه مايقدم يده لشحومها
ونثني في مدح قرم(ن) عسى حضه يطيب=والعوافي جعل ربي عليه يدومها
ذاك مرزوق المقاطي نجيب(ن) من نجيب=والمراجل تستوي له وهو شغمومها
ربعه الهيلا عتيبه تجري من يهيب=وصيتهم بالمجد حول السما ونجومها
والوفا من سلمهم دون شك ودون ريب=من كبار السن وتعلمه مفطومها
وعشت يامرزوق لعل شمسك ماتغيب=يالشجاع اللي بحور الجزال تعومها

المشاركة الأصلية كتبت بواسطة فيصل بن جزاء (المشاركة 166186) لاهنت وبيض الله وجهك على نقل قصائد المواقف الجزله وصح السان مرزوق العتيبي ووجهه ابيض وصح السان ابن عمنا محمد بن باني وبيض الله وجهه تقبل خالص التقدير والاحترام

المشاركة الأصلية كتبت بواسطة صالح الجعيدي (المشاركة 166221) بيض الله وجهك ولا هنت على نقل قصائد المواقف الجزله وصح لسان مرزوق العتيبي ووجهه ابيض وصح لسان ابن عمنا محمد بن باني وبيض الله وجهه تقبل مروري،، مع خالص التحية و التقدير و الاحترام

المشاركة الأصلية كتبت بواسطة هايف العماني (المشاركة 166305) صح الله لسان الشاعرين وبيض الله وجهك ياصبي الملازيم وماقصرت يالقرم تقبل تحياتي،،

المشاركة الأصلية كتبت بواسطة ابن وتيد السباعي (المشاركة 166316) وعشت يامرزوق لعل شمسـك ماتغيـب.......يالشجاع اللي بحـور الجـزال تعومهـا صح لسانك يا صبي الملازيم ولسان المقاطي والمخريمي وبيض الله وجهك ووجيهم كفيت ووفيت يالقرم ويكفي ان اسمك صبي الملازيم

المشاركة الأصلية كتبت بواسطة ابو زابن المسعري (المشاركة 166328) بيض الله وجهك ولا هنت على نقل قصائد المواقف الجزله وصح لسان ابن عمنا محمد بن باني وبيض الله وجهه وصح لسان مرزوق العتيبي ووجهه ابيض لك جزيل الشكر اخووووك ابو زابن