يالله يالمطلوب يا عدل النظر=يامكفي الشكوى اكفنا ياكافي
رب تثور لنا على من قد قدر=ونحن ما جينا بطريق خلافي
قال الزكاة فنكيل له بر حمر=حتى الحطب ينقل على الكلافي
فهو غترنا بوجه من لا ينغتر=وثله يدارجنا معا الاسدافي
حتى سجن من ربعنا خمسة عشر=رهاين بقصى مكان دافي
قرا عليه الشيخ زينات الصور= المرسلات وسورت الاحقافي
الن تعوذ ماحنا كفر=ممشاك ذا لشرواك له انصافي
فعط الحصان وسار ببرقه الحمر=واقبل علينا لاهلا باللافي
مشينا قدامه بسبرات النظر=بمعظعظ بشدق كل سنافي
يوم ان ابو شدق وخالد العور=من عقب لقيانا عطو بالقافي
نفدهم قدامنا فد الظفر= ياكسرت(ن) ماعاد فيها رافي
كله لعينا اللي تخطى بالمدر=عند الجماعه قدر مالغدافي
وكله لعنا الغرس مرتدم الحثر=مقيظ من فوقه دليق ضافي
المدح للي من قبايلنا حضر=مثل ال (هزعا) هزعوا لشنافي
شلال اللي ينطح الموت الحمر= اقول ذاليوم فعله وافي
سوا وعيال الحابي امر ينذكر=نعم القروم مبندقة لتلافي
خله وياراكب على حدبا الظهر=تشدي الهيق يتعب القافي
ملفاك هل صبحا وهم ستر المدر=لاجا زمانن ممحل (ن) متنافي

دنياك لروت بالصدور نكور=على غير ما يهوي النجيب غيور
كم غيرت الاحداث من فضل نعمه=وكم لينت من شدة ووسور
ومن بعد ذا ياراكبينن سلاجهم=من سوج لشدة عاريات ظهور
بواطن غب السرى كن وصفهن=جريد بهن سرب العذوق حدور
لاروحن من مورد صوب مورد=قريبات مالقن لهن نحور
وغطى سواد الليل على رجومها=وغدى المبادي كنهن خدور
تواعدوا لهن مرقب العصر باكر=تغارا وجنه جهمة بكور
ردو ا سلامي حين تلفون راجح=عضيدي ومنهو للرفيق سرور
تباشرو ياركب بالكن والذرا= وفرش وترحيب وزين شبور
وكلام اللبيب ماتغير من البلا=ودلال بهن ريح القناد يفور
الجسم مني يابن راكان ناحل=وراسي غشاه من البياض شعور
فلا وجعي من علة باطنيه=لها بين محناي الضلوع زفور
ان ابديتها شمتوا علي واضحكو=وان اخفيتها قامت علي تجور
من كلمة من بعض الاصحاب جتني=خطر بها صارت على هزور
اذا جحدني ذا الى ذاك بارز=شدوا على عضو بغير بثور
ليت الذي عندي قريب وحاضر=يغيبون والغايبين حضور
ولا خلت ايدينا من القل ساعه=في الغد مايقصر لهن شبور
اوصيك مني يافتى بن راجح=احفظ وصاتي لاتكون غرور
تلبس بتاج الصمت واحذر من اللغى= ترى اللغى تسبيب كل امور
سود الليالي مادرى عن بطونها= امسن اناثى واصبحن ذكور
تلاقحن من غير زوج خذنه= لهن النبوب المشطفات يزور
يقول لذي خايف من وقوعها= خطر لتاوم بالضنا وتجور
لاتاخذ العيلات من باب قوه=والاظلام لاتبحث لهن جحور
كم عيلة جا عقبها فتك هيبه=عليك لعيون المرقبات نظور
لاتوري العدوان في الحال رقه=يباتون في نعمه وطيب وسرور
اظحك لهم بالسن والسر مقفل= لاعت حبر بالرجال حبور
لامن ولو سدك تبين او مداركك= كما بان في نخر العظام كسور
كم واحد يظحك ويبدي لك الرضى=وهو ظالم لك بالطريق ثبور
افلا زلفت رجلك وحل بك القضى= يقول مكانك جعل ما تثور
هذاك خله لاتكون جليسه=قاضه مجافاة وطول هجور
ولا تصافي كون اصم صميدع=على نوح صكات الزمان صبور
رفيق يرافق لك حزة الرخا= ولا حلت البلوى اليه يبور
الى رموك عداك يصم من الحجر= زلزل عليهم لاقويت صخور
وان كان ماتقوى القضا حد حاضر= اصبر ودايرات السنين تدور
عطهم سلفهم لاقويت وزدهم= بصواقع تندي العظام كسور
واحذرك تاخذ بنت بنت قن مهربد=يجيك من العش الخبيث نسور
رخوين خناطيل اليدين مذله=كبار غطاريف الكتوف فدور
فلا ثعلب جاب صيد من المها= ولا طار من عش الحمام صقور
تر ا الحرار اللي ترجي نفوعها=يشوم للعليا وهن طيور
مايرتض من عقب (الاشراف)بالوطا=لهن في الروس النايفات وكور
وصلوا على خير البرايا محمد=اعداد من حج وراح يزور

السلام عليكم ورحمة الله وبركاته


الأخ العزيز ( بن مشخص المسعري ) بيض الله وجهك والله لا يهينك ، صراحة موضوع حلو والقصيدة الاولى ( نادرة ) ولكنك جبتها جعل عمرك طويل .



تقبل تحياتي ،،،



أخوك :- الهيلاني .

لاهنت يابن مشخص المسعري علي الموضوع الرائع وبيض الله وجهك على النقل