لامن قدحت الشعر وشبيت لك نار=نار على روس الهضاب النوايف
يطرب لها الساري ويسري بها الطار=وتزهر بها عقب المحول الشفايف
من خصايص عنود الصيد كثر الطواري=وعادة الظبي يجفل ليتحرك ظلاله
مايصيد الجوازي كود بخص وضاري= القنص بالركاده والتسرع جهاله
قال الوداع وقلت هذا مكاني = والله لوطال الزمن مااتعداه
اما الا منه رجع له لقاني= والا يكفيني مكانه وذكراه
الصاحب اللي شد واقفت مطاياه=ومايدري انه حط جوفي حرايق
اكبر دليل ان الجفا منه مااقواه=اموت واحيا في غيابه دقايق
من صد عن عيني سلى عنه بالي=الاانت ون صديت ماعنك مسلى
بكل الظروف ان رحت وان جيت غالي=مع الزمان يزود حبك ويغلى
قال الوداع وقلت يازين لا لا=ماهوب حق تغيب عني دقيقه
لك في صميم القلب قدر و جلا لا=وفراقكم ياروح روحي مااطيقه
لامن ضحك لي خذت قلبي تواصيفه=ولامن زعل عفتنا الدنيا ومافيه
لاجل اني احبه واحب اسمع سواليفه=صوته يشتت هموما عايش فيها
شفتك مع اللي صار عقبي حبيبك=واحتارت الدمعه بعيني وصديت
مدري هي الصدفه لدربي تجيبك=مدري انااللي في دروبك تحريت
تمنيتك البارح على هجعة العربان=ابسهر معك في نور اخوك القمر ساعه
تخيرت جده منزل لي من الاوطان= علشانكم ياريف قلبي ومرباعه
يامعدي المرقاب خله المشتاق=حول وخل معذب القلب يرقا
ليت ربي ماخلق حب وفراق=والاخلق حب على غير فرقا
ياابوسعد صارت على اخوك غارات=شهرين اقاسي من شديد الغرابيل
حنا هل العوجا ولابه مراوات=شرب المصايب مثل شرب الفناجيل

المشاركة الأصلية كتبت بواسطة محمد الغريري (المشاركة 154689) فيصل بن جزاء اذا كان في هذا المنتدى مبدعاً فهو أنت واذا كان في هذا المنتدى مجتهداً فهو أنت واذا كان في هذا المنتدى متميزاً فهو أنت ابو جزاء الله لا يهينك على هذه المقتطفات من الابيات الجزلة للشعراء الكبار ولا تحرمنا جديدك الرااائع .. اخوك في الله محمد الغريري

المشاركة الأصلية كتبت بواسطة أبونواف الدوسري (المشاركة 154709) الأخ المبدع فيصل بن جزاء ... كتبت أدخلوا وأستمتعوا..وأقرأوا المنوعات الشعريه.. زرنا موضوعك وأمتعتنا ..عسي الله يوفقك لما يرضاه.. وصح لسان الشعار ورحم الله من مات منهم . وأطال بعمر من هو موجود الأن, تقبل تقديري وأحترامي. أخوك أبو نواف الدوسري.

المشاركة الأصلية كتبت بواسطة فهدالمحيسن (المشاركة 154733) مشاركة جميله تشكر عليها

المشاركة الأصلية كتبت بواسطة nadoorah (المشاركة 154736) لاهنت على مشاركتك

المشاركة الأصلية كتبت بواسطة يحيى الودعاني (المشاركة 154775) بيض الله وجهك على الأختيار الطيب ويدل على ذوقك الرفيع لاهنت

المشاركة الأصلية كتبت بواسطة بدر العجالين (المشاركة 154776) أبو جزا الغييثي منوعات خطيره من رجل أخطر.... مشكور ولاهنت على المنوعات الشعريه وتسلم يمينك يا أبو جزا...