|
"أخوك أغلى من يمشي على البسيطة"
السلام عليكم ورحمة الله وبركاته ،،، القصيدة منقوله و لا أعرف شاعرها ،، لكنها تـعـبــر عن نفسها ،، وهي أيضاً إهداء: إلى كل من نزغ الشيطان بينه وبين أخيه ونسي أن العمر يمضي وكل شيء إلى زوال ،، وأن خيرهما الذي يبدأ بالسلام. قصيدة ثمينة ومؤثرة :
الناس واجد بس ما مثل الاخوان =ما مثل اخوك اللي يحبك ويغليك ما مثل اخوك اللي صدوق ومعوان =تفديه بالغالـي وبالـروح يفديـك يشكي لك جروحه وهمه والاحزان=ولا ضاقت الدنيا بهمك يواسيـك لو كان لك ربعٍ ونـاسٍ وجيـران=ما مثل اخوك اللي عن الناس يغنيك أخوك هو عزك ولو كان ما كـان=يبيع كل الناس لأجلك ويشريـك أنا أشهد أنه لك على الصدر نيشان=تاجٍ على راسك وستـر يغطيـك وانا اشهد انه مـا يثاقـل بميـزان=مثل الذهب والماس مافيه تشكيك وانا اشهد إنه ما يقـدر بالاثمـان=عن العدو حصـن ودرع يوقيـك إياك لا تفتـح طريـق لشيطـان=بينك وبينه جعـل ربـي ينجيـك ولا تستمع لاجاك علان وفـلان=يا كثر ما تسمع من اللي يعاديـك ولا تجعل لغيرك على العقل سلطان=ترى كثير اللي بشـوره يدهويـك ترى الدهر دوار يا سرع الأزمـان=يومٍ تواريـه الثـرى أو يواريـك تقول يا ليت الذي كـان ماكـان=يا ليتني بالقبر جنبـك واخاويـك يا ليتك تعود واضمك بالاحضـان=أضمك لصدري واقبـل أياديـك يا ليتك تعود ترى القلـب ندمـان=وده يسوق المعذرة ثـم يراضيـك بس البلا يا ليت مـاردت إنسـان=ويا ليت ما تمحي ظلام بماضيـك تماكن الدنيا وواصـل بالاحسـان=قبل الندم يطويك والهـم يبريـك ونهاية المشوار ما غيـر الاكفـان=ويبقى مع السارين ذكرك وطاريك وسلامتكم... عسى المودة في قلوبنا مدى الدهر ،، مع خالص التحية و الاحترام و التقدير ،،، |
رد: "أخوك أغلى من يمشي على البسيطة"
ونهاية المشوار ما غيـر الاكفـان=ويبقى مع السارين ذكرك وطاريـك
انشهد ما يبقى الا طاريك صح لسانك ولسان الشاعر مليووووووووووووووووووووون قصيده ذات مغزى مهم الله يجمع شمل الاخوان ولا يفرقهم لاهنت يالقررررررررررررم وعزالله ان مواضيعك مهمه وتستحق المتابعه |
رد: "أخوك أغلى من يمشي على البسيطة"
اقتباس:
عز الله أن مرورك شرف ،، مرحبا بك في كل وقت يا أبن وتيد السباعي ،،، من قال ما يهان ،، صح ابدانك ،، مع خالص التحية و الاحترام و التقدير ،،، |
رد: "أخوك أغلى من يمشي على البسيطة"
الاخ صالح الجعيدي صح الله لسانك وعلى شانك
على الاختيارالموفق وصح الله لسان الشاعر على عمق المعنى وبعد المغزى الصلف |
رد: "أخوك أغلى من يمشي على البسيطة"
اقتباس:
مرحبا يالصلف ،، صح ابدانك ،، و لاهنت على المرور الطيب. مرورك يشرفني و يسعدني ،، مع خالص التحية والاحترام ،، |
رد: "أخوك أغلى من يمشي على البسيطة"
الأخ العزيز صالح الجعيدي الله يجزاك خير علي هذه القصيده الرائعه ..وصح لسان قايلها.
والله مانعرف قيمة الأخ ألا أذا فقدناه... لك كل تقدير وأحترام أخوك : أبو نواف الدوسري. |
رد: "أخوك أغلى من يمشي على البسيطة"
تسلم أخوي صالح وبيض الله وجهك
قصيدة طيبة و هادفة لاهنت يالقرم |
رد: "أخوك أغلى من يمشي على البسيطة"
صالح الجعيدي ، صح لسانك ولسان الشاعر وعزالله انه صادق...
مشكور ولاهنت ،، تقبل تحياتي ،، |
رد: "أخوك أغلى من يمشي على البسيطة"
ولا تستمع لاجاك عـلان وفـلان
يا كثر ما تسمع من اللي يعاديـك ولا تجعل لغيرك على العقل سلطان ترى كثير اللي بشـوره يدهويـك المشرف القدير// صالح الجعيدي مدهـش .. كـ عـادتك دمـتـ .. و دامـتـ .. لـنا .. ذائـقتك بـ لـون ٍ .. من الصفاء ... و مشاعر .. العطاء و إحساس .. العطر .. و الجمال لك الود / الإحترام / التقدير خلف الدوسري |
رد: "أخوك أغلى من يمشي على البسيطة"
لو كان لك ربعٍ ونـاسٍ وجيـران= ما مثل اخوك اللي عن الناس يغنيك
قصيــده معبره ومؤثــره الله يعافيـــكـ يابــن العــم على ماقدمت وأمتعتنا بقراءه القصيده الجزله |
رد: "أخوك أغلى من يمشي على البسيطة"
اقتباس:
صدقت أخوي ابو نواف ،، مرورك شرف يالغالي. مع خالص التحية و الاحترام. |
رد: "أخوك أغلى من يمشي على البسيطة"
اقتباس:
من قال سالم ،، وجعل ما يشين لك وجه يالغالي. مرورك شرف. مع خالص التحية و الاحترام.... |
رد: "أخوك أغلى من يمشي على البسيطة"
اقتباس:
مرحبا يالغالي/ بدر العجالين ،، صح بدنك ،، و لا شكر على واجب. من قال ما يهان ،، مرورك شرف يالسنافي. مع خالص التحية و الاحترام. |
رد: "أخوك أغلى من يمشي على البسيطة"
اقتباس:
مرحبا يالغالي/ خلف ،، قدر الله شآنك و رفع مقدارك. مرورك يشرفني و يسعدني ،، لا هنت على كلامك الطيب. مع خالص التحية و الاحترام. |
رد: "أخوك أغلى من يمشي على البسيطة"
اقتباس:
يا مرحبا يا نايف الخييلي ترحيبة المطر ،، الله يعافي الجميع ،، مرورك شرف يالغالي. مع خالص التحية و الاحترام. |
الساعة الآن 07:19 PM
 |
Powered by vBulletin® Copyright ©2000 - 2025, Jelsoft Enterprises Ltd.
---