|
من لا يعرف الصقر بالنار يشويه...والله من الزله حماك وحماني
السلام عليكم ورحمة الله وبركاته.... قصه خفيفه أحببت أن أنشرها لكم.... كان الشيخ عطيه امير على ربعه وذايع الصيت بمنطقه الحجاز وطبعا اللي ماشافه مايعرف شكله بس يسمع عنه... المهم ان الشيخ عطيه راح لنجد وحل على آل سعود وطبعا المسايير عليهم واجد وكانوا القهوجيه اللي مايعرفونه مايقهوونه.... وجلس عطيه وطبعا يسمعون عنه بس مايعرفونه ومحد قهواه وبهالوقت دخل الشيخ ماضي بن عايد الهاجري وهو على ماسمعت من شيوخ الهواجر وكان معروف بمجلس آل سعود وجلس بجنب الشيخ عطيه _وكان يسمع بعطيه ولايعرفه ايضا_ ويوم قدموا له الفنجال قال : عطو الرجال يقصد عطيه... فقال عطيه
فنجالك اللي في يدك لا تعديه =أن كان لي مقسوم ملزوم جاني
فرد عليه ماضي
هذي سلوم وحق الاجواد نديه=وانا غريب وجيتكم في المكاني
فقال عطيه
من لا يعرف الصقر بالنار يشويه=والله من الزله حماك وحماني
فرد ماضي ويبدو انه علم ان هذا الشخص هو الشيخ عطيه:
مثلك يسامح ياعطيه ويخفيه=بيني وبينك والخوافي سماني
تقبلوا أرق تحيه مع العلم انه (بالتأكيد) منقول.... |
لاهنتي اختي النادره متألقه دائماً
|
شكراً لكي اختي الكريمه على المشاركه الروعه والي الامام
|
الله لايهينك يا النادره
|
عطيه عطاه مافي صدره
لاهنتي يالنادره وبانتظار مواضيع اخرى متميزه تحياتي-نواف الرجباني |
مشكوووره يالنادره على الاختيار الجميل ,,
تقبلي تحياتي ,, |
حياكم الله يالنشامى ولا هنتو عالمرور الطيب.
|
لاهنتي يا النادره على المـــــشـــــــاركــــــه الاكثر من رائع ويعطيك الف عاااافيه
اخـــــــــــــــــــــــــــــوك الـــــــــــــــــدوســـــــــري |
يا حياكم الله جميعا ولا هنتو على المرور الطيب....
|
حتى لو كان منقــول... تشــكري على ذوقك العـــالي في الاختيــار..
الواحد من يشوف اسمك على طول يدخل الموضوع لأنه عارف ان مواضيــع النادرة كلهــا رائعــة..... تســلم يمنـــــــاك... |
ما تقصر أخي ( غياث) .. بتشجيعكم وحضوركم الطيب حنا نستمر بالعطاء ان شاء الله ... والتميز لا يتم ولا يكتمل الا بوجودكم... الله لا يهينك على المرور الطيب والتعليق الأطيب يالنشمي...
|
الساعة الآن 07:35 PM
 |
Powered by vBulletin® Copyright ©2000 - 2025, Jelsoft Enterprises Ltd.
---