يقول (ابو زيـد الهلالـي سلامـه)=عرض الفتى مثل القزاز الرهايـف
صونه عـن الانـذال لايكسرونـه=ومن جانب الاجواد مانيب بخايـف
ثـلاث معـانٍ ماوطاهـن خـيّـر=لك الحمد انا منهن ثيابـي نضايـف
منهن من يضوي على بنـت عمـه=وهو سترها الضافي نهار الكشايـف
ومنهن اعراض الفتى عـن قرينـه=الى مشعوا حدب السيوف الرهايـف
ولانيب من يعطـي عطـاه ويمنّـه=لو جا من المعطـى امـورٍ عنايـف
الى مضى الماضي وفات الذي مضى=اخس ماتطري الرجـال الحسايـف

المشاركة الأصلية كتبت بواسطة ابن وتيد السباعي (المشاركة 153048) الى مضى الماضي وفات الذي مضى..............اخس ماتطري الرجـال الحسايـف صح لسان الفارس المغوار / ابو زيد الهلالي الراوي القدير / صالح الجعيدي لا حرمنا الله طلتك ومواضيعك الاكثر من رائعه لاهنت يالقرم وعساك على القووووووووووووه

المشاركة الأصلية كتبت بواسطة أبونواف الدوسري (المشاركة 153092) الأخ القدير صالح الجعيدي. لاهنت يالقرم وعساك على القوه علي هذه القصيده لأبو زيد الهلالي. تقبل تقديري وأحترامي. أخوك أبو نواف الدوسري.