|
الله يلم الشتات ويدفع البلوى
قصيدة غزلية رائعة للشاعر الجزل ماجد بن عيسى المسعري:
جمر الحشا فاج فوحه من لضا غلوه = فاج وطفر وانفجر صدري من الصلوى حالي تدانى وغربالي على ملوه = لا نلت سّبت عناي ولا حصل سلوى حظ الشقى صار من فرقا ليا بلوه = الله يلم الشتات ويدفع البلوى قلبي معك يالهنوف الفاتن الحلوه = حلاك كامل ومنطوقك بعد حلوى همسات صوتك تجلّي ضيقتي جلوه = أرحب مية مرحبا وأهلاً مية هلوى أبهج سماي بضياك وبالحلا حلوه = عين الشقى رفرفتلك والخفوق ألوى |
رد: الله يلم الشتات ويدفع البلوى
الأخ الشاعر القدير ماجد الدوسري ...سلمت يداك بما خطت ..وصح لسان الشاعر قائلها.
مع كل تقدير وأحترام لشخصك الكريم. أخوك أبو نواف الدوسري. |
رد: الله يلم الشتات ويدفع البلوى
مـــاجد الدوســري
صـــح لسانك ولسان الشاعر ماجد المسعري والله يعافيــكـ |
رد: الله يلم الشتات ويدفع البلوى
العزيز الغالي ماجد الدوسري
يامرحبا تراحيب المطر لاهنت على نقل هذه القصيده صح السانك ولسان قايلها لك جزيل الشكر اخووووك ابو زابن |
رد: الله يلم الشتات ويدفع البلوى
صح الله لسان الشاعر المعروف ماجد بن عيسى على الأبيات العذبه وشكرا لك اخوي ماجد على ايرادها
تقبل تحياتي،، |
رد: الله يلم الشتات ويدفع البلوى
همسات صوتك تجلّي ضيقتـي جلـوه = أرحب مية مرحبا وأهلاً ميـة هلـوى
الغالي: ماجد الدوسري تسلم على نقل هذه القصيدة الجميل للشاعر ماجد بن عيسى وصح لسانه بعد على هذه الجزلة ولك مني أجمل الود والتقدير ،،، |
رد: الله يلم الشتات ويدفع البلوى
الشاعر القدير/ ماجد الدوسري
اررررررررحب والله لا يهيينك يالسنافي على نقل هذه القصيدة الجزلة والواففيه للشاعر الكبير/ ماجد بن عيسى بن خفران والشاعر ماجد بن عيسى من اكبر الشعراء اللي سمعت لهم وللاسف لم يضهر الى الاعلام الى الان ولكن اتمنى منك يا اخ ماجد ان توافينا بكل مالدين من قصائد للشاعر وتقبل فائق التحية والتقدير |
رد: الله يلم الشتات ويدفع البلوى
ماجد الدوسري
شاعرنا الكبير الحاضر الغائب اهلاً بك وبهذه المشاركة الرااائعة من الشاعر الاروع والكبير ماجد بن عيسى المسعري ولا تحرمنا جديدك يالغالي .. و قد اتصلت بك عدة مرات و جوالك مقفل عسى المانع خير .. تقبل خالص الود والتقدير .. اخوك في الله محمد الغريري |
الساعة الآن 02:22 PM
 |
Powered by vBulletin® Copyright ©2000 - 2025, Jelsoft Enterprises Ltd.
---