مرثية في الأمير / عايض بن هذلول - رحمة الله -
 

قصيدة للشاعر/ محمد بن فراج الدوسري

والقصيدة تتحدث عن نفسها في هذا الفحل الكريم


كريم الدواسر وأمير قبيلة الخماسين الوداعين






أرثـيــه إيـــو الله بـومـبــارك أرثــيــه
عايض بـن هذلـول وشلـون مـا بكيـه
يبكـيـه شـاعـر والشـعـر والمشـاعـر
ســال القـلـم حـبـره ودمـعـه قـوافـيـه
الأرمـلــه تـبـكـيـه ويـبـكـيـه الأيــتــام
من مات ابوهم صار ابوهـم وموفيـه
ويبكيـه عـودٍ شـال عــن كاهـلـه هــم
شـــال الـحـمـول الـكـايــده مايـخـلـيـه
والضيـف والخطّـار واقــراب وابـعـاد
واهـــل الـبـلـد والـبـاديـه كـلـنـا فـيــه
ياضحكة حجاجـه ولـو كـان هـو ليـث
يا فزعة المضيوم لا، لاء00ولا، ليه
يـا جابـرٍ عثـرات00، ومجبـر كسـور
يــا فــارجٍ كربات00منـهـو عـزاويـه
يـا عـيـن هـاتـي مابـقـا فـيـك ياعـيـن
مـن غيـر بـو مـبـارك فقـيـده ونرثـيـه
أميـر ،عمده،شيـخ00إلا قـل إنـسـان
أكـبـر مــن الألـقـاب مـهـمـا نسـمـيـه
حـنّـا عبـيـدالله فـــي أرضـــه شـهــود
يـــارب نـشـهـد لـــه نبـيـحـه وننـعـيـه
الله يوسع لـه كثـر مـا وسّـع الضيـق
ويصيـر قبـره روضــةٍ لا سـكـن فـيـه
ويا لله عسى الفردوس الأعلى مقـرّه
آمــيـــن يـــــاربٍ كــريـــمٍ ونـرجــيــه
هـذا الـدعـا مـنـا 00ومـنـك الإجـابـه
يــــارب مـاغــيــرك إلـــــهٍ بـنـدعـيــه

رد: مرثية في الأمير / عايض بن هذلول - رحمة الله -
 

الامير عايض بن هذلول : اذا ذكر ذكر الكرم والمرجلة .. فقد الدواسر في واديهم

بوفاة الامير عايض ,, جبل شامخ وعلم .. شب على المراجل والشهامة وشاب عليها

مقصد الضيف والغريب ابن السبيل ,,, امضى حياته لايكل ولا يمل في الجود وبذل الخير

ومساعدة المحتاجين وقضاء حوائجهم .. الى جنة الخلد ابو مبارك

رد: مرثية في الأمير / عايض بن هذلول - رحمة الله -
 

الله يرحمه ويغفر له ويسكنه فسيح جناته
الله لا يهينك ياسحابه صيف وصح اللسان الشاعر
اخوي عبدالله ابن عريمه عن اذنك باخذ الابيات الي انت حطها في الرد بحطها توقيع

رد: مرثية في الأمير / عايض بن هذلول - رحمة الله -