سلام يارجال تربوا بالافلاج = دار الكرم والعز والطيب والدين
شفنا الكرم بالعين ما عاد يحتاج = من أهل البلاد وعند كل العجالين
عز الله ان الضيف ما هو بمحتاج = كل الدواسر بالمراجل مربين
نعم الشيوخ اللي على الديرة سراج = ناس يعرفون الكرم والقوانين
تلقى الفرح والطيب مع كل الافواج = من جد جد وارثينه من سنين
اولاد زايد عد ماهوب رجراج = أهل الحمية والظفر في الميادين
تاريخهم يشهد على كل منهاج = عز وكرم مع كل الأفعال ذربين
وعدوهم وقت اللقاء ماله علاج = وافعالهم تشهد لهم في الدواوين
ليا صاح صياح به احراج وازعاج = فاولاد زايد ينطحون المعادين
ولي كبرت القالة ولا فيه مخراج = إستنجد ابن حزام في العسر واللين
وثلاب له في موقف العز معراج = درع الظفر والعز عيال العجالين
ليمن ذكرت أفعال مرضي وفلاج = وعبدالله المشهور عند السلاطين
بني شنار اللي لهم فعل وانتاج = اللي لهم عند المواقف عناوين
فكوا حسب يوم الموقف بها احراج = عدوا مع الستين للقصر ساطين
بقيادة المرحوم لطام الامواج = عبدالعزبز اللي سطا وانصر الدين
يالله يالمطلوب يا رب الافراج = تسقى غروس عندهم والبساتين
وصلوا عدد ما طاف بالبيت حجاج = صلوا على المختار وحنا مصلين

المشاركة الأصلية كتبت بواسطة اشكري الخرج السلام عليكم ورحمة الله وبركاته ال شنار على مأ عتقد من الشكره اهل الحمر و اشكرك يا بو عبدالله على الموضوع وبيض الله وجهك

المشاركة الأصلية كتبت بواسطة تركي الودعاني بيض الله وجهك يابو عبدالله علي القصيده الجزله وصح السانك والسان الشاعر والي الامام

نايف

النادره

ووجهكم ابيض

والله لا يهينكم على المرور اللي اسعدني

والف شكر لكم


اخوكم

ابو عبد الله الشكري

اولاد زايد عد ماهـوب رجـراج=أهل الحمية والظفر فـي المياديـن
تاريخهم يشهد علـى كـل منهـاج=عز وكرم مع كل الأفعال ذربيـن
وعدوهم وقت اللقاء مالـه عـلاج=وافعالهم تشهد لهم فـي الدواويـن