لا وأهنى اللى رصيده ملايين=وامضاه في راس القلم يقبلونه
وبواخره تمشى بكل البلادين=ومساطره من كل شكل نمونه
وعنده عيال صالحين ورشيدين=لا غاب والدهم هم يمثلونه
وبيت يعادل شاهقات الظلاعين=تلقى الحمام مبيض في ركونه
وديوانه أكبر ما بنى بالدواوين=مفتوح واجواد العرب يدهلونه
ولا صارن الريضان مثل البساتين=ما طاب من تقريها ينزلونه
تلقى الخزامي والنفل والرياحين=تطرب له الورقة وتزعج فنونه
وثلاث جارات بنات مزايين=غيد موفر كل ما يشتهونه
مع لابه تنطح وجيه الشياطين=عز لهم وهم يتفادون دونه
هذي الحياة اللي لها الناس شفقين=ومن غر منها ياحياة المهونة
اخير من اللي ياخذ الدين بالدين=وطلابته راس الشهر يبلشونه
ومع الفقر عنده ابزور ونساوين=يبون حاجتهم ولا يعذورنه
يقضي معاشه ما مضى الشهر يومين=العسر قبه وشيب اعيونه
عايش ولكن عيشه العزر مسكين=الله يقوم ابعونا ثم عونه