الله انه يقبل الجيب ومسيره = لو مطبه شين والمركب ذنانه
صنعتة قمة وماركته شهيرة = حافه اللي حاز في شغلة الامانة
حافه اقطم خشم والقامة قصيرة = ناجح التصميم خوّان الديانة
اجتهد في الجيب وانصح من ضميرة = ومن عيوب الصنع والتقصير صانه
واستحق اعلى شهادة من مديرة = ونفذوا جملة تصاميمه فوانه
صدروا منّه مديلاتٍ كثيرة = والوكيل اصدر معه دفتر ضمانة
يوم ناضره الخبير اللي يديره = قال خمس اسنين ما يبغي صيانة
منوة اللي ناويٍ ياصل عشيرة = ودونه السرحان يقنب بعويانه
ان بغى المرواح ياصله بسفيرة = وان غبش باشره كلٍ في مكانه
لا ضرب فالعرق عشق سن قيرة = ما يهمة عالي الخد وطمانه
وان ضرب له تختخٍ تسمع صفيرة = وانتله يومي سوات الخيزرانه
لا غدا عجه مثل عج المغيرة = زين والله من ورا العج ازميانه
من شرا له جيب ما يرضى بغيرة = كود من حده ردى الحظ وزمانه
كنه سيفٍ لا سحبته من جفيرة = يعجبك فعله وفي زين المعانه