المجلس اللي فيه ترتـاح الاونـاس=يشتاق لـك فيـه الرفيـق بحـراره
يفز لك من مجلسـه تقـل قرنـاس=سمح الحجـاج ودلتـه عنـد نـاره
مجلس يباهي فيه خـلاق الاجنـاس=كنـك ظفـرت المرجلـه بالجـداره
بعض المجالس نشتريهـا بالألمـاس=وبعض المجالس نعتبرهـا خسـاره
غيبة وسب وكذب ومعايـر النـاس=ابليس ثبـت فـي وسطهـم شعـاره
واليانصحته عبس بوجهـك عبـاس=وقام يتطاير مـن عيونـه شـراره
ياعنك لوجاملـت هالنـوع تنـداس=اللي يحسـب ان المهايـط شطـاره
ما ينفع التلميح في بعض الاشخاص=لازم عليـه نشـن تسعيـن غـاره
اللي عطاك السان وعيون واحسـاس=هو ماعطى عقلـك شويـة وقـاره
واحسن لي اترك مجلس فيه الادناس=واطلع مراقيـب الفخـر والصـداره
لا صار مالك مع هل النقص مجلاس=جنب عن اهل الناقصـة والحقـاره
والعـز والله رفعـة الديـن للـرأس=ماهـوب زود الفخفخـه والتجـاره

المشاركة الأصلية كتبت بواسطة يحيى الودعاني (المشاركة 146629) صح السانك وصح السان الشاعر وبيض الله وجهك

المشاركة الأصلية كتبت بواسطة ابو زابن المسعري (المشاركة 146641) الاخ العزيز صالح الجعيدي بيض الله وجهك على نقل هذه الراءعه لشاعر المعروف مرير الحبيل وصح الله لسانك ولسانه

المشاركة الأصلية كتبت بواسطة خاطر محمد الخاطر (المشاركة 146802) الأخ العزيز صالح الجعيدي صح الله لسانك وبيض الله وجهك على هذا الاختيار الرائع ولاهوب غريب كل ماهو رائع اخوك خاطر الخاطر

المشاركة الأصلية كتبت بواسطة عبدالرحمن الشرافي (المشاركة 147119) اخوووووي / صالح والله اني لاقريت قصيدة منقوله وانت اللي كاتبها اني ادخل على طوووووووول الله لا يهيينك ويبيض وجهك ماتجيب الجزل جعلنا مانخلا منك تحياتي

المشاركة الأصلية كتبت بواسطة داعي الذكرى (المشاركة 147434) صح السانك وصح السان الشاعر وبيض الله وجهك