قصيده للشاعر/شــلعان بن ظافر الودعاني الدوسري
 

قصيدة في أصل قبيلة الدواسر

التغلبي والزايدي منبـع الكـرم
دواسرٍ يشكي العدو من جورها
نملك مداين بالسيـوف القطّـع
صوارمٍ روس الجماجم نقورها
يرسخ بنا غرسٍ تمايل عذوقـه
ولابنينا مـن وراهـا سورهـا
السور حد السيف والخيل والقنا
وذيدانا ترعى بعالـي قفورهـا
حن درعها الضافي وحنا جمالها
حتى غدت جنه تبارى نهورهـا
الغوينمي قد قالها فـي مثايلـه
دارٍ تلقت من سعدها سرورهـا
بدويـه حضـريـه شـاويـه
فيها المعاوش من جميع جذورها
حناسكانهـا ويانعـم السـكـن
نحمي جوانبها ونجني ثمورهـا
بلادنـا راياتـهـا مرفـوعـه
نوضي لياليها بنـور بدورهـا
يامانحينـا دونهـا مـن سربـه
لاقادهـا خيالهـا مصطورهـا
نسقيه من حوض المنايا جرعه
بشلـفٍ يوردحدهـا ممروهـا


الشاعر /شــلعان بن ظافر الودعاني الدوسري

منقوله من منتدي ( اعجبتني فأحببت المشاركة بها ) اتمني ان تعجبكم

رد: قصيده للشاعر/شــلعان بن ظافر الودعاني الدوسري
 

صح السانك ... والله يرحم الشاعر الكبير شلعان بن ظافر

رد: قصيده للشاعر/شــلعان بن ظافر الودعاني الدوسري
 

الله يرحم الشاعر الكبير شلعان بن ظافر الودعاني

وصح الله لسانك اخوي بوهلا وبيض الله وجهك على النقل الجميل

تقبل تحياتي،،

رد: قصيده للشاعر/شــلعان بن ظافر الودعاني الدوسري
 

جعل يمناك ما يجيها العطب

و الله يرحم الشاعر شلعان الودعاني

رد: قصيده للشاعر/شــلعان بن ظافر الودعاني الدوسري
 

رد: قصيده للشاعر/شــلعان بن ظافر الودعاني الدوسري
 

جعل يمناك ما يجيها العطب

و الله يرحم الشاعر شلعان بن ظافر الودعاني الدوسري

تقبل تقديري واحترامي