::: مـنتدى قبيلـة الـدواسـر الـرسمي ::: - قصيده رديه بين الشاعر صقر النصافي والذيب سرحان

- :: قسم الـشعر العــام :: (http://alduwaser.org/vb/forumdisplay.php?f=16)

قصيده رديه بين الشاعر صقر النصافي والذيب سرحان


	http://www.up07.com/upload-31/wh_72219451.jpg النصافي والذيب الشاعر: يا ذيب وش علّمك تهيض السانى ××× بعواك يوم ان المخاليق غافين. الذيب: انا بلايه قو جوع حدانى ××× الليل قمرا والضوارى فواطين. الشاعر: ياذيب حسّك فى منامى شعانى ××× لولا الحيا جاوبت صوتك بصوتين. الذيب: عزى لمن مثلى جداه اقنبانى ××× ماله جدا والناس ما هم بمعطين. الشاعر: ياذيب ياللى بالخلا ما تدانى ××× ما شفت لى حول الثميله ابويتين . الذيب: مريت لى بيتين يا مودمانى ××× عنها شمال وفى ظبطها مقيمين . الشاعر: ياذيب ما قاربتهم باختلانى ××× يا كود تبخص فى فريق اريش العين. الذيب: انا الذى من شاف زولى نحانى ××× ما احرزت اجيهم خابر غيبهم شين. الشاعر: يا ذيب ما عينت صافى الثمانى ××× عند الغنم والاّ يرد البعارين. الذيب: انا ما اعرف الصاحب المرحبانى ××× والناس واجد والعذارى مزايين. الشاعر: ما رّيته ياذيب عوده ليانى ××× والنور بين اقذيلته والحجاجين . الذيب: هذاك انا قبل امس شفته وجانى ××× من كثر دمعه محفى محجر العين . الشاعر : الله يوفقك الشياه السمانى ××× من مال كرهين الوجيه البخيلين

رد: قصيده رديه بين الشاعر صقر النصافي والذيب سرحان

بيض الله وجهك على الأختيار

الطيب

وصح السان الشاعر

النصافي

رد: قصيده رديه بين الشاعر صقر النصافي والذيب سرحان

اختي حوراء

ارررررحبي ترحيب المطر

وهذه الرديه تشرفت بقراءتها في يوان الشاعر

وتقبلي فائق التحية والموده

رد: قصيده رديه بين الشاعر صقر النصافي والذيب سرحان

الله يوفقك الشياه السمانى ××× من مال كرهين الوجيه البخيلين

دعووووووووووووووه طيبه والذيب والله انه يستاهل

رديه جزل من شاعر كبيررررررررررررررررر جداً ومن فحول الشعر

صح لسان الشاعر / صقر النصافي

وايضاً صح لسان الذيب

وبيض الله وجهك اختي حوراء على الموضوع القيم