فزعتكم يالصخابره
 

السلام عليكم ورحمة الله وبركاته

يا عزوتي يالدواسر كلكم وبالاخص ال حسن يا ربعي الفرجان
طالبكم يا ال محمد ابي فزعتكم يالصخابره تكفون لا تردوني
يا شيخ سعد ال جارالله طلبتكم ابي طال عمرك شجرة الصخابره خاصة وتفرعاتها
ان امكن ذلك لأن الموضوع خطير ومهم بالنسبه لعائله كاملة
يا ليت القى اللي ابيه عندكم صار لي سنين وانا ابحث وادور
ارجوكم

شاكر لكم ومقدر تجاوبكم

رد: فزعتكم يالصخابره
 

اخي الغالي
تحية عطرة
السلام عليك ورحمة الله وبركاته وبعد
ابشر بمايسرك وسوف يقوم الاخوان بتزويدك بماتريد

في
الختام
تقبل مني وافر الاحترام

اخوك
المحيسن فهد

رد: فزعتكم يالصخابره
 

بارك الله فيك اخوي فهد
جزاك الله خير
بس انا توقعت اني ما راح الحق من كثرة الردود
يالله عسى الشباب يجيبون العلم

بيض الله وجهك

رد: فزعتكم يالصخابره
 

افا يا الصخابره ما هقيتها منكم
يومين ولا واحد يعطيني طلبي الى هذي الدرجه هو صعب
اتمنى انكم توصلون للمعلومه
بارك الله فيكم

رد: فزعتكم يالصخابره
 

ياجماعه كأنني انا الحالي في المنتدى
على الاقل ردو علي ارفعوا معنوياتي
بارك الله فيكم
مو معقوله مافي صخابره في هالمنتدى ؟!!

رد: فزعتكم يالصخابره
 

بن حباب والله ماعندي علم كافي بس خلني ارفعه على الشريط علشان تنشاف ويمكن احد يفيدنا

رد: فزعتكم يالصخابره
 

عافاك الله ولد العم خيالة الحرشاء
بيض الله وجهك يالسنافي
فالك الجنه ومن يقرا
وينهم الصخابره ما يردون واذا كانوا مايعرفون
هذا الوقت اللي لازم يعرفون فيه

رد: فزعتكم يالصخابره
 

وما زلت انتظر يالربع
وان شاء الله خير

رد: فزعتكم يالصخابره
 

الصبر مفتاح الفرج

رد: فزعتكم يالصخابره
 

بــــن حــبــاب يالغالي لا تتعب نفسك ....

على حسب علمي لايوجد شجره للصخابره,,,,

وإن بيدي شي والله لفيدك يا ابن عمي لكن ما باليد حيله....

وإن شاء الله يفيدونك بني عمنا آل حسن....

رد: فزعتكم يالصخابره
 

بارك الله فيك اخوي بدر عساك على القوه

لا بد من عمل شجره للصخابره همتكم يا ال حسن
يا عيال العم يا شياليين الهم

رد: فزعتكم يالصخابره
 

عندي صوره اتمنى انها تفيدك

لكن بسأل شيباننا ان شاء الله

وصخابره اعيال عمنا ويستاهلون كل خير

الصخابره >> صويان - آل عفيص - آل شاهر - آل مفرج - آل سعود - آل فراس

اخليك مع الصوره

http://www4.0zz0.com/2007/02/21/02/47748967.jpg

رد: فزعتكم يالصخابره
 

ولد عمي مبارك الله يعطيك العافيه
الله يجزاك خير على المشاركه
وللاسف الصوره ما ظهرت عندي

اذا الله اراد ان شاء الله
وقدرنا نسوي شجره كامله لقبيلة ال حسن وتفرعاتها
بس نبي جهودكم

رد: فزعتكم يالصخابره
 

الاخ ابن حباب توني اقراء كتابتك واستفسارك وش الي تبيه عن الصخابره قل وانا اجيبك

رد: فزعتكم يالصخابره
 

هلا اخوي عبدالله
ابي طال عمرك تفرعات فخوذ الصخابره وابيك تسأل طال عمرك عن ابراهيم بن محمد بن عبدالعزيز بن حباب الصخيبري الدوسري من السيح في الافلاج

طالبك طال عمرك

فخوذ الصخابره السبعه المعروفه ابي تفرعاتهم من تحت ومنهو شيخ كل واحد منهم وهل هم يعرفون او يسجلون الاشخاص الذين هاجروا من قديم الزمان

يعني تقدر تقول المطلوب شجره تخص الصخابره بأصولهم وتفرعاتهم ان امكن

بارك الله فيك