الله يسعد صباحك وأستلم ،،،

يامسفر أقرب عندي لك نشده وأبا منك الجواب=حيثك ليامنك حضرت تسد عن غيـّابها
حلمت حلمٍ شفت فيه الجدي من تحت السحاب=ومن فوقها بيوتٍ تبنـّـا والنجوم أطنابها

يا مرحبا يا مجرشي حنا على ظهر الركاب = هات العلوم الطيبه والطيبه تجزا بها
يا الله تجنبنا الخطأ يا الله تقدينا الصواب = أحلومكم خيال وانتم يا الشلي ادرابها

عندك ،، عندك

نبا الزلال وخل عنا طرد ضحضاح السراب=والشاعر حلومه علوم أن ماحسبت حسابها
قالوا العوارف من يفك الحرف يقرا للكتاب=وليا دخلت المدرسه تصبح حدا طلاّبها !!

أليا وردنا يا ولد نارد على عذب الشراب = نعرف صدوق الناس ونعرف يا ولد كذابها
الشاعر اللي يحمي الميقاف لا يمكن يهاب = و المدرسه حنا نعلم يا ولد كتابها

حنا نعمّرها وأشوفك تودع العامر خراب=وسود المنايا فوق حجانك يحوم غرابها
لاقلت لك عان النعيم تقول لي عان العذاب=وتيمم القبله خطا والناس في محرابها

صاحبك نسل أهل الظفر والعز واعزاز الجناب = أهل العلوم الغانمه والمرجله اصحابها
إن ما غدا الرجال ذيب يروح عيشه للذياب = صاحبك كم عدل جمالٍ عايجات ارقابها