عز الله اني بادياً المنيفات =وراسي على هرج المناعير مايل
ياما حلا لاقيل لهل الحطب هات= وسواي فنجالن وخطوى مثايل
في مجلساً مافيه صجه ولجات= مجلس صبيان من كبار الحمايل
مندوب مني لالفيت الغييثات =سلم عليهم عد وبل المخايل
انص الحطيم اللي يرحب ليا جات= بيته تربه ساهجات القوايل
تلقى ذلول الضيف عنده معفات= ياما ذبح عنده خروفٍ وحايل
زيزوم ربعاً تنثني فالملاقات =غييثيتةٍ يثنون يوم الدبايل
عندي لهم بيض اًمعا كل من جات= تشمل وتجنب وسط سبع القبايل

المشاركة الأصلية كتبت بواسطة جمعاني_غييثي (المشاركة 140689) ارحب يابوزيد تراحيب المطر والسيل... صح لسانك ولسان الشاعر ونعم بالغييثات ... ولاهنت يابن العم على نقل القصيدة وعلى حسب علمي ان هذي قصيدة الشاعر حمد ابن مسدر السحيمي قالها فالشيخ سعد ابن بداح الحطيم امير قبيلة ال سلمة من الغييثات عندما كان جاراُ له وشد عنه فتذكر حسن جوار الحطيم وكان الحطيم من اكرم الناس واطيبهم جانبا فقال هذه القصيده. اتنمى اني وصلت المعلومة الصحيحة والله اعلم. تقبل ودي واحترامي من اخوك / جمعاني_غييثي ملاحظة: ترى مانسيت يابوزيد:)

المشاركة الأصلية كتبت بواسطة ابو زابن (المشاركة 140833) ابو زيد الغييثي لاهنت على حفض هذه القصيده الجزله و يستاهلون المدح اهله والله وسبعين نعم بالغييثات جميع جعلهم للمعزه الاخ العزيز جمعاني_غييثي لاهنت وبيض الله وجهك على التوضيح تقبلوا تحيات اخوكم ابو زابــن

المشاركة الأصلية كتبت بواسطة داعي الذكرى (المشاركة 140899) ابو زيد الغييثي لاهنت على حفض هذه القصيده الجزله

المشاركة الأصلية كتبت بواسطة ابو خطاب الحطيم (المشاركة 143122) بسم الله الرحمن الرحيم الاخ ابو زيد صح لسانك وبيض الله وجهك على الموضوع والقصيده مكا قال الاخ جمعاني هي قالها حمد ابن مسدر السحمه في الشيخ سعد الحطيم رحمه الله عندما جاوره في الربيع ويوم شد منه تذكره فأرسل له هذه الابيات فأرسل له سعد الحطيم فرس وخلفه وبشت وشكراً للأخوه

المشاركة الأصلية كتبت بواسطة سعد الحطيم (المشاركة 198249) السلام عليكم ورحمة الله وبركاته ابو زيد اشكرك كل الشكر على اهتمامك وماقصر جمعاني وهو وابو خطاب على التوضيح ولاكن انا عندي اضافة بيت في القصيده وهو البيت الرابع : ذولي مقابيل وذوليكـ ماجات .......................... في مجلس (ن) مافيه قيل(ن) وقايــل اكررر الشكررر أحترامي :)