ياهلا بك عدد غمام الأمزاني=وعد من حافظ القرآن وترتيله
جعل جدي في جناتً ورضواني=سعدً اللي بصلاتي حقً ادعي له
فعلكم يآل مسامح شمسً تباني=ماحلا القاف في ريعً من جميله
يوم قلت آل مسامح ربعي وعواني=غضرفت عذرةً وقطة الشيله
صبيكم في الحرايب صبي قوماني=بوعبدالله بجوخه محدً مثيله
قلتها من ضميري قبل قيفاني=الكرم من يمينه هادرً سيله
أنت فخر الغريري تاج سلطاني=خالي اللي له العليا تصافي له
مجلسه جود ومسك وعود ريحاني=وضيفه اللي انتشى من بنه وهيله
لاتلالا هلالٍ مثل قوساني=بان وسم الغريري وقمتنا أخيله

الشاعر العزيز الغالي : سعد بن سالم ال جار الله

ارررررررررحب تراحيب المطر ياكحيلان

وابيض وجه على هذي القصيده الجزله

وصح الله السانك وعتلا شانك وزادك الله رفعه في مقامك

على هذي القصيده الطيبه والتي لا تستغرب من امثاله.

وعز الله انك مدحت ابو عبدالله جعله المعزه يستاهل كل ماقيل فيه

ويستاهلون ال مسامح المدح علمه غانم اول وتالي

لا هنت ولا هان منطوقك يابو سالم على هذا الابداع

وتقبل تقديري واحترامي

اخوك / فهد بن هادي الغريري

ياهلا بك عدد غمام الأمزاني=وعد من حافظ القرآن وترتيله
جعل جدي في جناتً ورضواني=سعدً اللي بصلاتي حقً ادعي له
فعلكم يآل مسامح شمسً تباني=ماحلا القاف في ريعً من جميله
يوم قلت آل مسامح ربعي وعواني=غضرفت عذرةً وقطة الشيله
صبيكم في الحرايب صبي قوماني=بوعبدالله بجوخه محدً مثيله
قلتها من ضميري قبل قيفاني=الكرم من يمينه هادرً سيله
أنت فخر الغريري تاج سلطاني=خالي اللي له العليا تصافي له
مجلسه جود ومسك وعود ريحاني=وضيفه اللي انتشى من بنه وهيله
لاتلالا هلالٍ مثل قوساني=بان وسم الغريري وقمتنا أخيله