ابراهيم بن حباب من اي فخذ من الصخابره
 

ياجماعة الخير مساكم الله بالخير

يالصخابره داخلن الله ثم عليكم

علموني ان كان بينكم وفي فخوذكم ولا عوايلكم اسم حباب

لأن عندنا جد هاجر للعراق من زمان وانقطعت اخباره عن اهله بالبديع

علموني بس هل هذا الاسم ( حباب ) متداول في الصخابره ومن اي الفخوذ

جزاكم الله خير

يالمشرفين يالمراقبين يالاعضاء يالزوار لا تخيبون رجاي طلبتكم يامدير الموقع ياكل الصخابره

الرجا الرجا

رد: ابراهيم بن حباب من اي فخذ من الصخابره
 

ابشرك بسعدك اخوي بن حباب

ارجوا مراسلتي وماتشوف الا اللي يسرك ان شاء الله

والربع اللي عندهم علم ماراح يقصرون ان شاء الله

رد: ابراهيم بن حباب من اي فخذ من الصخابره
 

ماجبت شي جديد اغلب الاوليين كذا

يطلع ويخلي ورقة عند شيخ قبيلته انه هاجر هو واخوانه او هو وعياله

ولا ياخذ منها نسخة ولا يحزنون

ويطلع ويتحضر ويجيه الخير وينسى ان له اهل في نجد

حتى يجيك واحد احمار ويقول انتم دواسر العراق او انتم دواسر البحرين

ومالكم دعوة بــ دواسر الوادي لأن هم الاصيلين وانتم من البحرين او انتم من العراق ..؟؟؟

هل فكر هذا الحمار انه قاعد في ديرة آخر جد عنده ...؟؟؟؟

ويجيك الغبي الثاني ويقول

الدواسر السود هم الاصليين وانتم البيض اصلا بدو صلب !!!

شوف الغباء الشديد الى وين وصل ...؟؟؟


بالنسبة لموضوعك اخوي

عن الصخابرة

توجد عائلة من الصخابرة يقال لها ال عواد من ال سعود الصخابرة

تسكن في البديع بالبحرين ولهم ابناء عم في قطر الدوحة (الاغلبية في قطر)

يقولون انهم وصلتهم ورقة ان لهم ارض بالافلاج او شيء من هذا القبيل

لست متأكدا من الارض ولعلها ورقة الهجرة التي كتبت لجدهم

ونصيحتي لك

أرجع الى امير الصخابرة (اسأل الشباب عنه وعن اسمه)

وهو الي راح يفيدك بإذن الله

واذا لم تجد اسم الفخذ فالامر طبيعي

http://www.aldawasser.com/vb/showthread.php?t=11968

اخوك

بو شاعر الودعاني

رد: ابراهيم بن حباب من اي فخذ من الصخابره
 

الاخ الغالي ابن حباب الصخابره الي في السعوديه مافيهم حباب ويمكن ال نغيمش هل العراق من ال مفرج سمو هذا الاسم لكن بالنسبه لصخابرة السعوديه وقطر والكويت مافيهم اسم حباب

رد: ابراهيم بن حباب من اي فخذ من الصخابره
 

الاخ الغالي عبدالله الصخيبري بارك الله فيك واعطاك الصحه والعافيه ابراهيم بن حباب هذا الاسم مكتوب بالوثيقه العثمانيه والمعلومات اللي عندنا تقول ابراهيم بن عبدالرحمن بن عبدالعزيز بن حباب بن عبدالعزيز مولود سنه 1253 وطلع من البديع وهاجر للعراق .

راعي الكوت يقول ال نغيمش مافيهم اسم حباب
وانت الله يطول عمرك تقول الصخابره مافيهم اسم حباب
واسم حباب اسم شائع بين القبائل مو معقوله كل فخوذ الصخابره ما فيهم هذا الاسم خاصه في الاوليين انا اقول ياليت ترجعون لأمراء الصخابره اكيد فيه شي يثبت واكون لكم من الشاكرين