كثر الحكي يمرض قلوب(ن) سليمـــه=والصمت حكمه للرجال الحكيمين
لو أن كثر الحكـــي يجلب غنيمـــه=ماشفت في ا لدنيا رجالن شقيين
بعض الرجال أليا حضر في وليمه=شغل تماتيكه على الزين والشيـن
جاب العـلوم الحاضره والقديـــــمه=فك الزرار وزود الصاع صاعيــــن
ناقص ضمير وضاحكن له رجيمــه=الحلق مدفع والبراطم سكاكيـــــن
واليا نصحته طحت لك في جريمـــه=تنهـــــــزرك والا تحــــداك بالعيــــن
أومى براس(ن) مثل رأس البهيمــــــه=يقــول وين فلان عنـــي وأنا ويـــن
ينفخ بـوردانه ويكـــــرب بريمــــه=كنه صديــــع هايشن له مجانيـــــن
الأجنبي يقول وش هالصتيمــــــه=وعند الجماعه من حساب الكراويــن
يطلع رجالن بالمجالس حكيمـــه=كلامهـــــم للنــــاس ورد ورياحيــــن
طلقين الأيدي والخواطر كريمـــه=خفاف النفوس مرجحين الموازيــــــن

الأجنبـي يقـول وش هالصتيمـه=وعند الجماعه من حساب الكراوين

المشاركة الأصلية كتبت بواسطة عبدالرحمن الشرافي (المشاركة 141544) الأجنبـي يقـول وش هالصتيمـه=وعند الجماعه من حساب الكراوين الله ... الله ...الله حكيم المنتدى / صالح الجعيدي .. الله يبيض وجهك ولاهنت لاهنت لاهنت لاهنت وما قصرت قصيدة جزلة ورائعه وتحمل معاني جزلة وحكيمة بيض الله وجهك مرة اخرى ولا ترحمنا من جديدك تحياتي

المشاركة الأصلية كتبت بواسطة ابو زيد الغييثي (المشاركة 142394) صالح الجعيدي بيض الله وجهك والقصيده ودي اعدها على رجال كثر احكاه في الدوووووووام