|
ابيات من ذهب لإبن سبيل رحمه الله
السلام عليكم ورحمة الله و بركاته ،،، أعجبتني هذه الأبيات للشاعر ابن سبيّل أعتقد الكثير يعرفها ،،،، فأحببت إضافتها هنا يالغاليين :-
إليا عزمت فـ حط للرجـل مرقـات=من خوف يفطن لك حسودٍ ربادي ولا تاخذ الدنيا خراص وهقوات=يقطعك من نقل الصميل البرادي لك شوفة وحده وللناس شوفات=ولا وادي سيله يسنـد لـوادي
يالعبد قيس ما طرى لك على البـال=دنياك لا تلهيك عـن تبـع دينـك واعرف ترى ما قسم لك مابه اشكال=يجيك لو كـل العـرب حاسدينـك والمال مثـل الفـي لابـد ينـزال=مـر عليـك ومـرة فـي يمينـك
ياويل حالي من الموت ويلاه=يــا كـيـف أ بـدلــه وهو مقتفيني يبي يعشي بي مجوع ضراياه=لو كان من قبلي سمين بديني أما قعد بالريع لين اني آطـاه=والا قعدت ليـن انـه يجينـي وسلامتكم ،، عسى أن تنال إعجابكم ،، مع خالص التحية و التقدير ،،، |
مشاركة: ابيات من ذهب لإبن سبيل رحمه الله
صح لسانك ولسان الشاعر العلم/ابن سبيل رحمه الله
والله كل بيت يسوى ديوان من شعراء جيلنا لاهنت ياصالح وبيض الله وجهك |
مشاركة: ابيات من ذهب لإبن سبيل رحمه الله
الأخ الغالي صاحب الذوق الرفيع والاختيارات الجميلة صالح الجعيدي
صح الله لسانك والله يرحم الشاعر المعروف ابن سبيل ويسكنه فسيح جناته فعلا ابيات قيمة ومليئة بالحكمه كل بيت عن قصيده تقبل تحياتي،، |
مشاركة: ابيات من ذهب لإبن سبيل رحمه الله
صالح الجعيدي
لاهنت على الأبيات الأكثر من رائعه وصح الله لسانك ولسان الشاعر /ابن سبيل والله يرحمه ويسكنه فسيح جناته تقبل فائق احترامي ابوجمال الغييثي |
رد: ابيات من ذهب لإبن سبيل رحمه الله
الإخوان الغاليين / ابن وتيد ،، هايف العماني ،، ابو جمال الغييثي ،، صح ابدانكم ،، ومن قال ما يهان يالنشاما ،، وعسى ايامكم بيض وسعادة. لا هنتم جميعاً على مروركم الطيب ،، يشهد الله أنه شرف لي ووسام على صدري. مع خالص التحية والتقدير للجميع. |
رد: ابيات من ذهب لإبن سبيل رحمه الله
اختيار جزل ورائع
من اخ عزيز وغالي كلمة الشكر قليلة بحقك يا صالح تقبل فائق التحية والتقديرتحياتي |
رد: ابيات من ذهب لإبن سبيل رحمه الله
اقتباس:
الله يعزك ويغليك يالقرم ،، لا شكر على واجب يالغالي ،، مرحبا بك أخوي/ عبدالرحمن الشرافى ،، مرورك شرف يالسنافي. مع خالص التحية و التقيدير ،، |
الساعة الآن 07:55 AM
 |
Powered by vBulletin® Copyright ©2000 - 2025, Jelsoft Enterprises Ltd.
---