يابنات الفكر هاتي من البحر الغزير =واسعفيني بالجواهر وغوصي واسبحي
اسبحي سبحانه الله علامن بصير= علمك بدع القوافي وداوي واجرحي
داوي اقلوب المناعير بالفعل الشهير =واجرحي قلبن بشين الدغايل ينضحي
يال زايدياهل الزود في اليوم الكبير= من غزاكم قال عند الدواسر مذبحي
تمنعون الدار والجار والعظم الكسير= من اجدارا طاح تاكل اسنونه وارحي
وتمنعون البل لازارها الركب المغير= كل شيخن غزاها كسر ولا محي
ذي فعايلنا ولا ذم كلن فبه خير= مايذم الناس رجلن صدوقن ملتحي
مير هيضني علي العب لعابن شطير= قامت ابيوته ابصدري تبيت وتصبحي
علي ابن نايف جذبني بنورا مستنير= مادعاني بس انا جيتله مستسمحي
وادي امشي معه واباري الملحا الضهير= شوفها لاجاالمارا لصدري يشرحي
غايتي ومناي قدام مطوي الحفير= والله ان اتبع هواها وروح واسرحي
مع بني عمي وربعي متيهت القصير =وستر بيضاالوجه لاطوحت بالمشلحي
وحن هواملتن لزارنا الركب المغير= مارجع منا لداره ابوجهن اصبحي
وحن هل الحرشاء وحنا مطرفت النشير= وحن مقابيس الحرايب بنارن تقدحي
في ديار القوم ياما طرقنا من غدير= ماتوطينا عليها بصلح المصلحي
والعدو نطوي ادياره كما طوي الحصير =قد طوينا المعلفي في بلادن منزحي
من حدود ابلادنا الغاليه غرنا عصير= وحزت المغرب علي اديار اليمن نستطرحي
لين لابسنا العدو كما لبس الحرير =وحترينا الصبح نبغي صباحن اصبحي
وجات غرتنا علي الشيح ملعون المشير =والبنادق من ايدينا ابصدره تلدحي