ايه انا سعودي ولا مثلي مثيـل = ياصقر يشويك منهـو يجهلـك
ايه انا سعودي هويت المستحيل = نظرتي للجـم ياجويهـل هلـك
اكرم الضيفان واصون الخليـل = يـوم داري يالجويهـل منزلـك
اينعـم بافـرح بجـوال ودليـل = ديرتي مـن كبرهـا ماتنسلـك
في دروب الخير لي باع طويـل = بالكرامـة والشجاعـة والحنـك
زاهدين نعيـش بالشـي القليـل = زادنا عـزة وحنـا سعـد لـك
بيننا فنجـال يالجاحـد وهيـل = والأميـر يقـدر جهـود الملـك
مالنا عن جابر الصاحب بديـل = مرحبا بالضيف فالليـل الحلـك
مايفـرق بيننـا قـال وقـيـل = ومن دخل مابيننا مـات وهلـك
فالكويت احرار ورجـال تخيـل = يردعون اللي على دربك سلـك
ارجـي الله مايخلينـي احـيـل = صوب تفكيرك ولا أنهل منهلـك
عندنا خيـرات يالعقـل العليـل = انصنا لامـن زمانـك غربلـك
الكرم معـروف عنـا يالبخيـل = يـوم نيـران المعـارك تلهبـك
السعـودي لاتعـزوى مايميـل = يدهم حصون العدا حيل ويـدك
دون جارة كلمتة قـدح الفتيـل = طق خشم معادي الـدار وفـرك
شامخ شموخ المـآذن والنخيـل = يوم غيره طاح بالوحل وبـرك
مانرد الهرج لاجـا مـن هبيـل = الزمـن دوار ويـدور الفـلـك
ناخذ المبروك والمـدح الجميـل = وانت يالمسكين تاخذ هارد لـك
نأكل الدسمة وقـرن الزنجبيـل = ونترك العظمة لمضـاغ العلـك
نشرب الصافي زلال السلسبيـل = وانت تشرب من عصارة حنظلك
وين جوالـك ودمعاتـك تسيـل = يـوم سهلنـا لـدارك مدخلـك
يثمر المعروف فينـا والجميـل = السعودي تاج راس وفخـر لـك
نقنص الشاهين والطير الأصيـل = وانت مثلك مانصبنا لـه شبـك
لو لقيتك منرمي تعـول عويـل = والله انـي يالهويمـل ماانقلـك
والله انـا مانكـن إلـك ونكيـل = لاجل مانته كفو حتـى نسألـك
مازعلنا منك لاجل انك دخيـل = العتـب يرجـع لمنهـو هملـك

المشاركة الأصلية كتبت بواسطة الواضح صح لسانك ولسان العتيبي وإن كان هذا لا يمثل الكويت ولا شعب الكويت الأبــيــّه فهم ابناء عـــم وعواني وأصــابــع مهيب مثل بعض فعسى أن يكون هذا مقبول مني لأخواننا في الكويت

المشاركة الأصلية كتبت بواسطة بنت القبيلة صح لسانك ياأخوي ولسان قايلها قصيدة رائعة تدل على شاعرية قايلها والسعودية والكويت واحد ولافي فرق بينهم كلهم أجاويد وأصيلين و عيال عم وعسى الله لا يفرق بينهم وهذا الشخص لا يمثل الكويت وأهلها وإنما يمثل نفسه فقط .. ألف شكر أخوي على النقل

المشاركة الأصلية كتبت بواسطة دغش البطي الغالي عبدالرحمن الشرافي صح لسانك يابو سالم ولسان قايلها قصيدة رائعة تدل على شاعرية قايلها والسعودية والكويت واحد ولافيه فرق بينهم وعسى الله لايفرق بينهم وعساهي تدوم المحبة وهذا الشخص لا يمثل الكويت وأهلها وإنما يمثل نفسه فقط .. ألف شكر أخوي على النقل الجميل محب الجميع

المشاركة الأصلية كتبت بواسطة نايف الخييلي صح لســـانك ولسان الشاعر محمد العتيبي وعـــز الله انه رد ردً جزل وسكت هالجاحد بهالقـــصيده الاكثر من رائعه ومعبره ومشـــكور يااعبد الرحمن ..

المشاركة الأصلية كتبت بواسطة ابو زيد الغييثي كفووووووووووووووووووووووووووو هذا الرد اللي يجمد على الشارب ولا ذا الرخمه ماله بين العرب مقدار اخوك بو زيد

المشاركة الأصلية كتبت بواسطة يحيى الودعاني صح لسانك ولسان الشاعر لاهنت

المشاركة الأصلية كتبت بواسطة الصقر الحر صح لسانك ولسان العتيبي ما زيد على كلام أخواني وأشكرك يالشرافي أخوك الصقر الحر